“Ngoenzneix, gou yungh mbouj daengz 4000 maenz, couh senj cawx ndaej gyaq veih- gwnghgih 8 bik ndeu.”Geij ngoenz gonq, youq ndaw diemq nungzgih Cingsih Si Vadung Cin miz boux nungzhoh ndeu cingq senjcawx nungzgih haenx angq dwk naeuz. Seizneix, cingq dwg geiqciet seizcin dajndaem bwh raeq, Cingsih Si gak aen yanghcin diemq nungzgih gak loih nungzgih mbaet seiz、 mbaet rengz haenx caen ndei gai, bangcoh bouxndaemnaz ndaemcin caerauq, vih bineix haeuxgwn fungsou dwk roengz giekdaej ndei.

(Vangz Anhcungh/黄安忠)