Geij bi neix daeuj, Denzyangz Yen nyinhcaen doeksaed aen cwz- yinci guh hong Cuengh Gun song vah gyauyuz, mboujduenh doicaenh minzcuz gyauyuz hwngfat. Seizneix, aen yienh neix miz hagdangz son Cuengh Gun song vah 4 aen, couhdwg Minzcuz Cunghyoz、Bwzfungh Cungh- sinh Siujyoz、Bohhungz Gujmeij Siujyoz、Bwzyuz Siujyoz, gungh miz hagseng 2084 boux; gauhcungh hai miz 6 aen ban minzcuz, gungh miz hagseng 300 boux. Gaenxmaenx cujciz lauxsae Cuengh Gun song vah camgya gak loih son’gyauq hozdung 45 geiz, soqvunz neix miz 1532 vunzbaez.

Aen yienh neix laebbaenz aen gihci hezdiuz guh hong minzcuz gyauyuz dangjveij lingjdauj、cwngfuj hezdiuz, bouhmonz lienzdoengh, doengh aen gyauyuz hingzcwng bouhmonz ndaw yienh dungjcouz hezdiuz hong Cuengh Gun song vah gyauyuz aen yienh neix, gyagiengz aen hagdangz Cuengh Gun song vah lingjdauj banhswj hwnjguh, boiq gij vunz cwngci suciz haemq sang、guenjleix gingniemh fungfouq、gyaez hong Cuengh Gun song vah gyauyuz gyauyoz haenx guh yaucangj aen hagdangz Cuengh Gun song vah; dinghseiz genjcaz sonyinx hong song vah gyauyuz, minzcuz、caizcwng、yinzse、benhci、minzyij daengj bouhmonz gaenxmaenx boiqhab, haeujcoengh hong Cuengh Gun song vah gyauyuz. Doengzseiz, aeu hong minzcuz gyauyuz gvi haeuj daengx yienh cunghab gaujhwz bingzgya dijhi bae, dangguh gij neiyungz youqgaenj gak yanghcin、yenciz gak bouhmonz、gak danhvei lingjdauj banhswj、lingjdauj ganbu nienzdoh moegbiu cwzyin gaujhwz.

(Cungh Hwngzmau)