● Ndwen 4 ngoenz 22, ciuq iugouz doxfaen haihag, Denz- dungh Yen 3.3 fanh lai boux hagseng gau it、gau ngeih nienz- gaep, co it、co ngeih nienzgaep, siujyoz seiq、haj、roek nienzgaep swnhleih dauq hagdangz, gak hagdangz hong dauq hwnjdangz miz bouhloh guh.

(Couh Meijgenh)

●Geij bi neix daeuj, Lungzswng Gak Cuz Swciyen netsaed doicaenh mbawcaz banggungz canjnieb, doenggvaq gij canjnieb hwngfat vunqsik“gunghswh+hozcozse+dieggoek+nungzhoh”, daiq vunzlai gyalai souhaeuj ndaej fouqmiz. Daengz seizneix, daengx yienh cib aen yanghcin ndaem miz mbawcaz, ndaem mbawcaz najdieg miz 1.7 fanh lai moux, baenz gij canjnieb vunzlai gak vunz vut gungz ndaej fouqmiz.

(Banh Cisiengz)

●Bineix doxdaeuj Denh- dwngj Yen yungh lai cungj banhfap, gaenxmaenx son vunz bonj dieg daegbied dwg goeng- rengz gungzhoj cienjsenj couh- nieb, saedyienh gyaranz laisou coi vut gungz. Daengz seizneix, aen yienh neix gungh haifat ok aen gangjvei goeng’ik anbaiz 716 bouxguhhong, ndawde boux gig gungzhoj 79 boux.

(Luz Linzhuj)

●Mboengqneix, Lungz- couh Yenveij Cwngfazveij cujciz aen dangjcihbu dangjyenz bae aen mbanj bangfuz Cuzbu Yangh Sanhcah Cunh Mbanj- gyauyauh guh gagnyienh fug- saeh hozdung, fat ceksaw iq guekgya ancienz cihsiz、mbaw- veh senhconz dwkcawz bang- vunz simnduk、mbawsaw yuq- naeuz fanj sezgyau daengj swhliu hawj vunzlai.

(Couz Yungj)

●Bineix doxdaeuj, Denh- dwngj Yen okdaiz mizgven siuhfei banggungz cwngcwz, cauhlaeb “gwnz muengx+yienhciengz” gai vunqsik, mboujdan bang vunzlai gaijgez gai doxgaiq hoj, lij hai aen hawciengz hawj Denhdwngj gai doxgaiq miz daegsaek, doi- doengh doxgaiq miz daegsaek Denhdwngj “byaij okbae”, hawj doxgaiq lai okmingz, bangrengz vut gungz baenz miz.

(Vangz Saugi)