●Geij bi neix daeuj, Duh’anh Yauzcuz Sw- ciyen ciuq dieg bae guh, daiq vunzlai gungzhoj gohyoz ciengx rwi, haenqrengz hwngfat ciengx rwi canjnieb, damqra byaij ok diuz roen vut gungz baenz miz ndeu. Seizneix, aen yienh neix miz 3 aen hozcozse ciengx rwi、23 aen ciengz ciengx rwi, moix aen ciengz ciengx rwi bi gai dangzrwi ndaej 6 fanh maenz baedauq.

(Hanz Ginhcinz)

●Bineix doxdaeuj, Lozcwngz Mulaujcuz Sw- ciyen gyoengq vunz ndaem mak mbouj hawj binghraq yingjyangj, guh ndei guenjleix gomak seizcin, seizneix, aen yienh neix gaenq guhsat hong guenjleix 15.5 fanh moux gomak seizcin, vih mak ndaej laisou dwk roengz giekdaej ndei.

(Veiz Yuzdai)

●Bineix doxdaeuj, Denhngoz Yen aeu cauh- laeb aen cehgenh couh- nieb banggungz dangguh diuzroen youqgaenj laeb- daeb daezswng vut gungz cwngzgoj caeuq coihawj vunzlai gungzhoj onj- dingh gyalai souhaeuj, gujli aen giyez diegguenj hab diuzgienh haenx laeb aen cehgenh banggungz, sou vunzhong dangdieg bae giyez guhhong, hawj gyoengqde ndaej gyalai souhaeuj.

(Denz Siyenj)

●Ndwen 4 ngoenz 15, Nanzdanh Yen gaenxmaenx camgya “Gvangjsih gyaeundei·ciet ndwenngoenz raeuj sim sam nyied sam”, fuyencangj Linz Cangzci hwnj aen bingzdaiz Dauzbauj densangh cig- boq, bangdoi aen yienh neix gaeq Byayauz、caz Luzlungz、haeux Bah- bingz、laeuj Danhcenz daengj doxgaiq ndei miz daegsaek gai bae daengz daengx guek gak dieg.

(Luz Yauz)