Mboengqneix dienheiq cugciemh bienq raeuj, cingq dwg seizndei ndaem haeux- caeux. Geij ngoenz neix daeuj, Yizcouh Gih lajmbanj gyoengq nungzminz cingq ciengj ca seizhong, ciemz gyaj ndaem- naz.

Bineix doxdaeuj, Yizcouh Gih youq mwh guh ndei gij hong fuengzre gaemhanh binghraq, doengzseiz caenh- rengz cujciz nungzhoh cadawz seizciet ndaemcin, saedbauj mbouj nguh seizhong, bang- coengh fazcanj nungzyez caet- liengh sang. Bineix aen gih neix dajsuenq ndaem haeux- caeux 13.85 fanh moux, daengz 4 nyied 10 hauh, haeuxcaeux gaenq ndaem 5.66 fanh moux. Seizneix aen gih neix dingzlai nungzhoh gaenq guh ndei gij hong rauq naz bwh ndaem, hainduj haeuj daengz seiz ceiq nyaengq ndaemnaz haenx, yawhgeiq 4 nyied ndawcib daengx gih cienzbouh ndaem- naz sat, beij bi’gvaq daezgonq 7 daengz 10 ngoenz.

（Cinz Fanghswh/覃芳思 Nungz Aicih/农爱枝 Veiz Bingjvaz/韦炳华）