Bonjbauq siusik(gicej Moz Beibei) Ndwen 4 ngoenz 8 banhaet, aen hozdung yizsi soengq sawmoq《Gangj Ndei Gojgaeq Minzcuz Doxgiet Nanzningz Sij Ok Hwngfat Biencieng Moq》 youz Nanzningz Si Minzcunghveij cawjbanh haenx youq Nanzningz guh.

Baez hozdung soengq saw neix, Nanzningz Si Minzcunghveij soengq 1000 cek saw《Gangj Ndei Gojgaeq Minzcuz Doxgiet Nanzningz Sij Ok Hwngfat Biencieng Moq》 hawj Sih- yanghdangz Minzcunghgiz、Hwngzyangz Gaihdauban、Funglingjbwz Segih、Cunghvazlu Segih、Vansiu Cunh daengj aen danhvei caeuq bouxvunz daiqbiuj.

Ciuq cam rox, cek saw《Gangj Ndei Gojgaeq Minzcuz Doxgiet Nanz- ningz Sij Ok Hwngfat Biencieng Moq》 dwg Nanzningz Si Minzcunghveij cawjbien. Cek saw neix gyoebbien le gij saeh cauhguh aen danhvei guh- yiengh minzcuz doxgiet cinbu caeuq dieggoek minzcuz doxgiet gyauyuz Guekgya Minzveij ancoh Nanzningz Si aeundaej haenx、gij gingniemh guhhong bouxvunz mozfan ndaej swcigih baez daihbet minzcuz doxgiet cinbu byauj- cangh、gij saehsaed senhcin ndaej daengx guek aen gyaranz ceiq gyaeundei caeuq gak gizdieg bouxvunz senhcin, aeu mbouj miz seisim ok goengrengz、 gyaez lwgminz vih lwg- minz、gekleiz doxndei、doxbang doxcoengh、beixnuengx doxndei、gikcoi baenaj daengj gij gojgaeq neiyungz fungfouq, langhbaij Nanzningz Si mozfan okhingz vih coicaenh Nanzningz minzcuz doxgiet guh’ok gungyen yienhda hawj bouxdoeg yawj, danq- haenh gij yienghsiengq Nanzningz Si vunz gak minzcuz haenqguh baenaj、gij cingz doxgiet doxndei caeuq gij yienghsiengq cingsaenz gaenxguh baenaj, gietcomz caemhcaiq fatyiengz le gij cingsaenz minzcuz hungmbwk seizdaih moq.