Gij dinfwngz gaek byuk gyapbangx Bwzhaij dwg cungj dinfwngz cojcienz ndeu, aeu doenghgij gyapbangxhaij Bwzbuvanh guh yienzliuh daeuz, doenggvaq veh doz、senj liuh、faen mbaek mbekhai、muzlwenq、daeb nem dajcang daengj gyawj cib yiengh hong guhbaenz doenghyiengh yisuz maenhndei, faenbouh youq Bwzhaij Si, miz gij daegsaek vwnzva haij Bwzbuvanh Cungguek, dwg gij daibyauj ndei dinfwngz gaek byuk gyapbangx Cungguek.

Gij dinfwngz gaek byuk gyapbangx Bwzhaij miz haj aen daegdiemj daeuz. It dwg canghgaek yungh gij saek、yiengh byuk gyapbangx bonjmiz ndaej ngamj, ginggvaq caemsim anbaiz, gaekdeu、daeb nem le couh cauh’ok gij yisuzbinj gyaqciq haenx. Ngeih dwg senj ndei byuk gyapbangx miz saek, caemsim gaek baenz doenghgij yisuzbinj lai cungj lai yiengh caeuq hung iq mbouj doxdoengz haenx. Sam dwg guh doenghyiengh gaek byuk gyapbangx, gij youqgaenj dwg ciuq yiengh cauhguh, couhdwg ciuq gij caizliuh bonj miz, ciuq yiengh cauh yiengh, liuxle dong、 daeb、 swnj、nem daengj, guhbaenz doenghyiengh. Seiq dwg gij hong cauh doenghyiengh gaek byuk gyapbangx haemq fukcab, gij doenghyiengh gunghyibinj maenhndei haenx gingciengz ging- gvaq cang yiengh, mizdi vanzlij boiq miz gvaengzdaej. Haj dwg byuk gyapbangx lai cungj lai yiengh, gij hung lumj aengei, gij iq lumj naedhaeux, yienghsiengq lai cungj lai yiengh, saek mbouj doxdoengz, aen byuk gyapbangx ndeu muz ndaej ok lai caengz saek, ndigah guh ok lai cungj gunghyibinj.

Bi 2010, gij dinfwngz gaek byuk gyapbangx Bwzhaij ndaej senj haeuj daihsam buek swcigih gaep feih- vuzciz vwnzva yizcanj mingzloeg.

Bi 1989, 《Giuzcwngzyangz》aen cozbinj gaek byuk gyapbangx Bwz- haij neix ndaej venj youq Yinzminz Daveidangz Gvangjsih Dingh, baenz le gij gaek byuk gyapbangx Bwzhaij mingzdaeuz ndei ciengxlwenx miz haenx.

Daj bi 2007 daengz bi 2012 roek bi neix, gij cozbinj gaek byuk gyapbangx Bwzhaij gungh ndaej haj aen ciengjgim, sam aen ciengjngaenz caeuq seiq aen ciengjluengz, cungj dinfwngz ndawbiengz cojcienz haujlai nanz neix youh hwnghoengh lo.