Geij bi neix daeuj, Hozciz Si Yizcouh Gih baengh gijndei doxgaiq reihnaz miz daegsaek mbanjbya gungz- hoj, daj canjnieb roengz fwngz, haenq- rengz saedhengz “siuhfei banggungz” laebbaenz aen gihci guh gunghawj gai ciengzgeiz onjdingh, doidoengh ranz- gungzhoj、cunhcizdij caeuq giyez caemh ndaej hwngfat.

Dap aen bingzdaiz, mbanjbya bienqbaenz “aen hawciengz nungz- mou”. Doiq Liuz Sanhcej Cin、Fuzlungz Yauzcuz Yangh、Sanhcaz Cin daengj mbanjbya gungzhoj yanghcin dieggyae doeklaeng、roenloh mbouj fuengbienh gai doxgaiq reihnaz hoj, Yizcouh Gih sonyinx vunzmbanj laebbaenz aen hozcozse、yinx giyez haeuj youq daengj fuengsik laeb aen bingzdaiz siuhfei banggungz, baujgyaq soucomz duh- daem、haeuxyangz、duhhenj、 mou、vaiz daengj doxgaiq, dauqcungz dajcang le aeu bae gai, ciepsouh bouxhek daezgonq duenq roengzdan caeuq dangciengz caeuqfaenh siuhfei.

Cauhmoq vunqsik, “yungh cawx lawh bang” gya’gvangq hawciengz. Cungfaen yungh dangjyenz bouxak daiqdaeuz, laebbaenz aen hozcozse ciennieb，baengh gijndei gwnz muengx gaicawx caeuq hangzyez hezvei, doeng- gvaq haiguh dinghyiengq cawx、senj cawx gonq daengj hozdung, cujciz dungyenz aen giyez、donzdij simndei daengj gij rengz ndawbiengz yungh “yungh cawx lawh bang” daengj hingzsik cawx roxnaeuz gai doxgaiq dieg gungzhoj; yuqnaeuz aen cujciz ndaw- biengz、aen giyez simndei bae daengz dieg dajndaem dajciengx, nyinhlingx gij hanghmoeg “dajndaem dajciengx” vunzlai gungzhoj, daejniemh siuhfei banggungz.

Gungganq cawjdaej, gyagiengz goengnaengz “cauh lwed”. Yizcouh Gih hopheux “cib daih bak fanh” banggungz canjnieb gunghcwngz, haiguh hwnjguh “mbanj ndeu yiengh ndeu”, doengzseiz, dajciengj caeuq haeujcoengh aen giyez lingxdaeuz bae daengz dieg gungzhoj hwnjguh dieggoek guh yienzliuh caeuq gyagoeng doxgaiq, yungh “aen giyez lingxdaeuz+hozcozse+ranzgungzhoj”“aen giyez lingxdaeuz+dieggoek guhyiengh(dinghdan)+ranzgungzhoj” daengj guenjguh vunqsik, saedyienh aen giyez lingxdaeuz caeuq hozcozse、nungzhoh dox yungzhab, hawj nungzhoh vut gungz baenz miz.

(Hozciz Si Minzcunghveij)