●Geij bi neix daeuj, Baksaek Si Yougyangh Gih cagaenj seizgei saedhengz youzcaz hwngfat canloz, aeu youzcaz canjnieb dangguh gijndei canjnieb caeuq gij banhfap youqgaenj hawj vunzguhnaz laisou baenz miz, doenggvaq haenqrengz daj- ndaem youzcaz、gyavaiq gaijcau ndoeng baenz mak noix、yinxhaeuj caeuq gung- ganq cehfaen ndei、dajciengj gyagoeng youzcaz, youzcaz canjnieb hwngfat cingzcik yienhda.

(Yenj Liminz)

●Ndwen 4 ngoenz 3, Hozciz Si Ginhcwngzgyangh Gih Saedniemh Siujyoz soundaej Gvangjsih Hozciz Yijhwngz Beizyin Hagdangz Mizhanh Gunghswh gien- soengq doxgaiq fuengz raq cungjgyaqcienz 4.2 fanh maenz、Hozciz Si Vanmeij Veidungh Ciyez Mizhanh Gunghswh giensoengq dox- gaiq fuengz raq cungj- gyaqcienz 2.2 fanh maenz, bangrengz aen hagdangz neix dauq haihag dauq hwnjdangz.

(Cinz Yaujlanz)

●Geij bi neix daeuj, Dava Yauzcuz Swciyen youq mwh guh hong vut gungz gunggeng, haenqrengz daj- ciengx gaeq, caemhcaiq youq bi 2019 ndwen 3 hainduj hwnjguh aen hanghmoeg cungsim vuzliuz cang gyoetyo Dava, cugyamq guhbaenz gij canjnieb vuzliuz comz gaj、yo、baujsien、gyagoeng doxgaiq boiqsoengq youq itheij, bangdoi doxgaiq daj- ndaem dajciengx okdaeuj haenx ndaej riuzdoeng hwng- fat.

(Luz Boh’an)

●Mboengqneix, Cingsih Si Vadung Cin Dangjveij、Cwngfuj guh ndei fuengz binghraq doengzseiz, cagaenj guhhong seizcin dajndaem, cujciz duiyenz aendoih guh- hong vut gungz gunggeng (lajmbanj saenqhwng) youq mbanj、bouxvunz gisuz bae daengz gyaeuj reih gyang naz, son vunzlai guh hong dwk bwnh、 lumx namh、fuengzyw nonhaih daengj hawj haeux- yangz faenmoq、maknongz- goet, baujmaenh bineix dox- gaiq soundaej lai、vunz- guhnaz laisou.

(Vangz Anhcungh)