Denzyangz Yen Yifung Cin bouxgagnyienh daih- hagseng gaenxmaenx hagsib cingsaenz Leiz Fungh，doxcanj guh hong fuengzre binghraq mbanjranz，vih soujhoh ndangcangq ancienz vunz mbanjranz ok rengz bonjfaenh.

Fuengzre binghraq，bouxboux miz faenh. Daj haidaeuz guh hong fuengzre binghraq daeuj，aen cin neix gak mbanj bouxgagnyienh daihhagseng dauqma mbanjranz dawz cingsaenz hagsib Leiz Fungh guh baenz hengzdoengh saedsaeh，doxgaen gya haeuj aendoih guh hong fuengzre binghraq ndaw mbanj, youq henhoh ndei bonjfaenh baihlaj,camgya guh hong mizgven fuengzre binghraq ndaw mbanj,vih hoenx hingz ciengz ciengq fuengzre binghraq neix ok rengz bonjfaenh, baijlangh dangrap bouxcoz ciuhneix caeuq cingsaenz gagnyienh fuzvu. Gyoengqde gaenxmaenx fazveih ciuhneix daihhagseng sienfung mozfan cozyung,lingxdaeuz senhconz、doidingj vahgyaj、bang guh baizcaz、bang guh rauniemh，cawjdoengh dangrap guh boux- hoenxciengq hoenx ciengz ciengq fuengzre binghraq mbanjranz, beixnuengx daengx mbanj cungj haenh gyoengqde.

（Vangz Gozswn/黄国顺 Vuj Vwnzdonh/伍文端 Vangz Yizyenz/ 黄渝原）