●Ndwen 3 ngoenz 5, ngoenz geiqniemh hag Leiz Fungh, Lozyez Yen Fulenz vih hoizsoeng gij vwndiz seizneix makgamdiengz gai mbouj ok, cujciz aendoih fugsaeh boux- gagnyienh mehmbwk, cawj- doengh caeuq vunz ndaem mak lienzhaeh bang mbaet sou, caemhcaiq leihyungh aen gunghcunghauh fulenz, yungh veihsin doisoengq hawj gyoengq vunzlai, yungh gij hengzdoengh saedsaeh saed- hengz gij sawjmingh goeknduj mehmbwk.

(Banh Gyahvei)

●Seizneix cingq dwg seizciet nyaengq dajndaem, Ningzmingz Yen gyoengq vunzguhnaz ciengj seiz guh hong, cietsaed gyavaiq yamq- din dajndaem haeuxcaeux bineix. Ciuq cam rox, Ningz- mingz Yen gungh dajndaem haeuxnaz najdieg 1.07 fanh gunghgingj, dwg aen yienh guhyiengh cauhlaeb haeuxnaz canjliengh sang guekgya gaep caeuq aen yienh senhcin dajndaem haeuxgwn daengx guek, binaengz haeuxgwn canjliengh 10 fanh dun baedauq.

(Couh Yizgangh)

●Ndwen 3 ngoenz 2 daengz ngoenz 3, Yungzsuij Myauzcuz Swciyen Gijveij、Fulenz bae daengz Mbanjvuh- yingh Mbanjmyauz gapgyaiq Gvangjsih Gveicouh haiguh aen hozdung “simndei aeu dinfaexmak soengq daengz Mbanjmyauz”, giensoengq buek makgaemjgaet、mak- maenj、makgam daengj din- faex ndeu hawj ranzgungzhoj. Lauxhangz dajndaem mak Yungzsuij、Yungzanh Yen daengz dieg son dinfwngz dajndaem guenjleix mak.

(Vangz Yaubangh)

●Seizneix cingqdwg seizciet dajndaem, Yinhcwngz Yen guh ndei yawhfuengz binghraq doengzseiz, gaenx- maenx sonyinx vunzguhnaz haiguh hong bwh seizcin dajndaem, haenqrengz guh ndei haeuxyangzcid、gonengz- nuengx、makbakhom、gueng vaizbiz、gueng yiengzbiz daengj daegsaek bangfuz canjnieb hwngfat, vih daengx bi guhhong nungzyez roengz giek maenh.

(Lanz Cunhcingh)