●Geij bi neix daeuj, Denhngoz Yen aeu hwngfat youzcaz canjnieb dangguh gij canjnieb youqgaenj lajmbanj canjnieb gezgou diuzcingj caeuq vut gungz gunggeng daeuj guh, gaenxmaenx damqra canjniebvaq guenjguh vunqsik, doidoengh youzcaz canjnieb gveihmoz caeuq yauqik cungj daezswng. Doengzseiz, gyavaiq ganq goyouzcaz ndei caeuq hwnj- guh dieggoek dinfaex, gaenxmaenx doigvangq din- fwngz senhcin ganq dinfaex, doicaenh youzcaz canjnieb hwngfat ndaej ndei.

(Denz Siyenj)

●Mboengqneix, Sinhcin Lungzvaz Gih Cwngfuj caeuq Gvangjsih Nanzningz Lingjdo Sinhnwngzyenz Gohgi Miz- hanh Gunghswh gvansim vunzlai Dunghlanz, youq mwh gij doxgaiq fuengzhoh bingh- raq bwtnaeuh yienghmoq giepnoix, gien buek doxgaiq fuengzhoh ndeu hawj Dungh- lanz Yen. Ngoenzhaenx, Sinhcin Lungzvaz Gih Cwng- fuj gien 10000 aen gouj- cau hawj Dunghlanz Yen, Gvangjsih Nanzningz Lingjdo Sinhnwngzyenz Gohgi Miz- hanh Gunghswh gien 2500 aen goujcau、130 doengj ywsiudoeg dij 36000 maenz.

(Loz Youjswh)

●Geij bi neix daeuj, Sihlinz Yen Bujhoz Myauzcuz Yangh Dangjveij、Cwngfuj mboujduenh damqra diuzroen canjnieb banggungz, ciuq dieg bae guh, youq Sinhfungh Cunh、Dahoz Cunh、Bujhoz Cunh ndaem makgamdiengz, youq Vwnjyaj Cunh ndaem youzcaz, youq Nganzlaz Cunh ndaem vaceu daengj.

(Hij Cunghgoh)

●Mboengqneix, Lingz- yinz Yen Vwnzlenz daeznaeuz vwnzyigai haiguh cauhguh cawjdaez vwnzyi, gujli gyoengq vunz guhhong vwnzyi doenggvaq vwnzyoz、ciengqgo、yienjheiq、ingjsiengq daengj yisuz hingzsik, cauhbien gij saehsaed hawj vunz gamj- doengh fanjyingj yawhfuengz gaemhanh binghraq haenx, senhconz cienzdoh gak cungj cihsiz fuengz raq.

(Veiz Senh)