●Oij dwg Dwzbauj Yen “5+2” daegsaek canjnieb ndawde cungj ndeu, bineix aen yienh neix gij yinvu maeuzveh dajndaem oij dwg 2.5 fanh moux. Vih bauj- maenh habseiz dajndaem oij, daezsang canjlieng caeuq yauqik, hai cin doxdaeuj, youq laj cenzdiz baujmaenh ancienz guhhong, Dwzbauj Yen gaenxmaenx dazyinx gyoengq vunz ganj seiz dajndaem oij, miz bouhloh haiguh cae naz、dajndaem oij daengj hong.

(Lij Suzbingz)

●Mboengqneix, Sihlinz Yen Vwnzva Dijyuz Gvangj- den Caeuq Lijyouzgiz dangj- cihbu cujciz dangjyenz bae daengz Bujhoz Myauzcuz Yangh Vwnzyaj Cunh、Bingzanh Cunh dieg gam- caek yawhfuengz gaemhanh binghraq yawjngonz camnai gyoengq vunz souj youq dieg gamcaek haenx, soengq raemxmboqgvangq、 yinj- liu、mienhfuengbienh、mak daengj doxgaiq bae hawj gyoengqde, gyo’mbaiq gyoengqde souj youq giz- haenx.

(Hoz Gencwz)

●Baenz binghraq dox- daeuj, Bahmaj Yauzcuz Swciyen cujciz dangjyenz ganbu, fatdoengh gyoengq vunzlai, haiguh hong yawh- fuengz gaemhanh binghraq. Mboengqneix, mbwn dauq raeuj ndit, vih bauj bineix nungzyez ndaej fungsou, vunzguhnaz aen yienh neix guh ndei fuengzhoh banhfap le, haenqrengz haiguh seiz- cin dajndaem.

(Liengz Sauwnh)

●Ndwen 2 ngoenz 21, Dasinh Yen geij boux cangh- daeqgyaeuj bouxcoz gag gapbaenz aendoih gagnyienh fugsaeh, bae daeq gyaeuj hawj 50 lai boux vunz guhhong youq itsienq haenx mbouj aeu cienz, gaijgez gij vwndiz vunz guhhong it- sienq youq mboengq bingh- raq daeq gyaeuj hoj, hawj gyoengqde mbouj miz you- heiq baihlaeng, demgiengz gij saenqsim caeuq gietsim gyoengqde hoenx binghraq.

(Vangz Yibingz)