Faenjhaeux Gveilinz dwg gijgwn cojcienz mizmingz miz daegsaek haenx, youq ranghdieg Gveilinz miz haujlai nanz lo.

Faenjhaeux Gveilinz baengh feihdauh daegbied mingz cienz ndaw biengz, goekgaen dwg gij faenj neix guh ndaej ndei.

Gaxgonq aeu fwngz guh faenj ne miz mbaek gonq mbaek laeng, gungh miz sam mbaek hung. Sien aeu raemx ceh haeux moq, cieplaeng muz gij haeux ceh ndei haenx, couh ndaej raemxhaeux, caiq coq haeuj ndaw daehbaengz hau bae hawj raemx okbae, coq haeuj ndawj rumrin seuq bae cuk baenz mba’mbaeq, cuk daengz mba’mbaeq doxnem baenz ndaek- mba unqnem haumu haenx, nyangqnyinz dangqmaz. Caiq hawj ndaekmba gag fat 200 aen cung, hawj de fat miz gij nengz ndei ndangvunz suphaeuj yingzyangj. Ceiqlaeng coq haeuj aencaq bae caq ok faenj roengz cauq bae, ginggvaq 14 mbaek hung iq, faenjhaeux cijndaej baenz.

Ndawde, dawz ndaekmba coq haeuj ndaw aencaq bae, baez ap, faenjndip couh soh roengz cauq bae. Neix ndaekmba ginggvaq cuk le, caq ok diuzfaenj engqgya nyangqnyinz ndei, ciuq vunz riuz- gangj faenjhaeux Gveilinz daj caengzlaeuz daihngeih venj roengz- daeuj daengz namh hix mbouj goenq.

Guh faenj ne ndawde ceiq yawjnaek raemxcaengq, aeu ndokmou、ndokcwz(vaiz)、makloz- hangoj caeuq gak cungj liuhboiq om baenz, heiq hom raixcaix. Byaekboiq dwg gij nohmou、nohcwz(vaiz)、nohyiengz daengj coq youz caq yaep ndeu, hawj gij noh neix youh hom youh byot; liuhboiq dwg aeu gij dangcaengq iep gvaq noh haenx gya geij cib cungj ywdoj、liuhhom om baenz raemx- caengq, vanj faenj ndatfofo, baihgwnz coq caengz byaekiep ndeu, gya di duhhenj roxnaeuz duhnamh byot, vanq di coeng、byaekhom coq, rwed di youzhom, coq hwnj daiz le heiq hom raixcaix, ndei gwn dangqmaz.

Gij faenjhaeux Gveilinz ceiq cingqmaek haenx, baengh gij daegdiemj faenj hau、oiq、raeuz、hom yinx bouxgwn lajmbwn. Gij dinfwngz guh faenj daj ciuhgeq cienz daeuj, danhseih youh ndei gvaq ciuhgeq, gij maenhndei faenjhaeux hom raeuz、raemx- caengq hom noengz、liuhboiq lailai daengj, hix dwg gij maenh- ndei daegbied dawzbak faenj- haeux Gveilinz cingqmaek aeu miz haenx.