Ndwen 2 ngoenz 16, bouxgagnyienh aendoih gagnyienh fugsaeh seizdaih moq vwnzmingz saedhengz veiswngh gengangh Denzyangz Yen youq dieg gamcaek lenzfangz lenzgung dag dohraeuj ndangdaej hawj vunzlai haeujok haenx. Denzyangz gak seizdaih moq vwnzmingz saedhengz cungsim(soj、camh)、gak gihgvanh swyez danhvei caeuq ndawbiengz gak gyaiq 6000 lai boux bouxgagnyienh gaenxmaenx wngq iuheuh, fatyiengz gij cingsaenz Leiz Fungh, gaenxmaenx bae guh hong yawhfuengz gaemhanh binghraq, youq gak aen guhhong gangjvei yawhfuengz gaemhanh binghraq cawjdoengh dangguh、cawjdoengh rapdawz, yungh gij hengzdoengh saedsaeh bae hoenx binghraq, vih dwkhingz ciengzciengq lanzhoenx binghraq guh’ok gij rengz gagnyienh fugsaeh seizdaih moq vwnzmingz saedhengz, ndaej daengz gyoengq vunz haenh.(Vangz Gozsun/黄国顺)