Seizneix, Hozciz Si Bahmaj Yauzcuz Swciyen daengx yienh gwnz laj cungj gaenxmaenx haiguh hong yawhfuengz gaemhanh binghraq, hoeng neix mbouj yingjyangj aen yienh neix guh seizcin dajndaem. Seizneix, aen yienh neix gak dieg vunzlai guh ndei yawhfuengz gaemhanh binghraq doengzseiz, cingq gaemdawz aen seiz- ciet ndei gaenxmaenx guh hong seizcin dajndaem.

Mboengqneix, youq Bahmaj Cin Lungzhungz Cunh dieggoek ndaem makbakhom, dangdieg vunzlai cungj ceng seiz youq ndaw suen makbakhom 400 lai moux haenx raed nga、loek nywj daengj, gyoengq vunz youq ndaw suen nyaengqnyatnyat.“Dou seizneix swnh aen seizciet ndei neix guenjleix makbakhom, muengh bineix mak baenz lai……” Vunzmbanj Lungzhungz Cunh Vangz Lihungz naeuz.

Bouxguenjleix dieggoek ndaem makbakhom Lungzhungz Cinz Lez naeuz：“Vunzlai daeuj guhhong dou cungj hawj gyoengqde daep ndei goujcau, guh ndei fuengzhoh banhfap, caemhcaiq youq mwh guhhong vunz caeuq vunz aeu doxliz gyae di hawj ancienz.” Ndaej daengz mizgven bouh- monz sonyinx, Gyazcon、Yendung daengj yanghcin, vunzlai hix hainduj miz bouhloh dauqfuk guh hong seizcin dajndaem.

Ciuq cam rox, Bahmaj gij doxgaiq dajndaem aeuyungh seizneix gaenq gihbwnj daengzvih, ndawde cehfaen haeuxnaz mauhgvaq 4.28 fanh goeng- gaen、cehfaen haeuxyangz mauhgvaq 10.085 fanh goenggaen、fuzhozfeiz mauhgvaq 5454 dun、niusu mauhgvaq 600 dun, vih nungzyez seizcin daj- ndaem daezhawj baujcang rengz- rwd.

(Veiz Minj)