Fouxlungzyieng dwg gij vwnzva“Gosanhyauz”Bingzloz Yen Dafaz Yauzcuz Yangh ndawde cungj vwnzva ceiq gyaeundei lwenqda ndeu.

Fouxlungzyieng, couhdwg aeu fiengz san baenz“duzlungz”, youq gwnz ndang lungz baek yieng, liuxle youz sam bouxcoz ciuq gij ningdoengh caeuq yamqdin dinghndei haenx diuq hwnjdaeuj. Baez daengz seiz gvaqcieng roxnaeuz ciet Buenz- vuengz daengj ngoenzciet hung, gyoengqvunz diuq fouxlungzyieng haenx couh youq gizdieg dajcaeq roxnaeuz bae gak ranz baiqcieng, aeu neix daeuj angqcoux cieng moq daeuj daengz, gouz lungz- vuengz hawj fuk, hohfuk mbanj Yauzcuz fwn yinz ndit ndei、ndaem maz ndaej maz, hoh vunzlai Yauzcuz gvaq ndaej vuenyungz onjndei.

Aenvih fouxlungzyieng daih- bouhfaenh youq banhaemh diuq, daengx diuz lungzyieng luemj- myabmyab, neix lumj baenz diuz lungz hung ronghgim luemj- myabmyab haenx mbin hwnj mbin roengz, hawj bouxyawj raen hung- mbwk youh gyaeundei. Gyoengq- vunz Yauzcuz dangdieg simsaenq caeuq gyaezmaij cungj foux miz daegsaek yisuz ndawbiengz, hix miz daegsaek geizheih neix, seiz- neix cungj foux neix vanzlij youq Dafaz gak mbanj cienzlah hwng- hoengh.

Bi 2010, fouxlungzyieng Yauzcuz ginggvaq Gvangjsih Bouxcuengh Swcigih Yinzminz Cwngfuj doengzeiq, ndaej lied haeuj daihsam buek swcigih gaep feihvuzciz vwnzva yizcanj mingz- loeg.

Bi 2006, Dafaz Yauzcuz Yangh haidaeuz haenqrengz vat- gud fouxlungzyieng, laebguh aen doih biujyienj fouxlungzyieng. Daengz seizneix, aen doih neix gaenq yienj baenz 1000 ciengz fouxlungzyieng hawj hekyouz yawj, ciepdaih hekyouz 10 fanh vunzbaez. Bi 2010, baengh fouxlungzyieng, Bingzloz Yen youq Dafaz Yauzcuz Yangh laeb le daengx yienh minzcuz vwnzva gihdi, vanzlij bangcoengh boux- swnjcienz Dauz Cinhij. Geij bi neix, Dauz Cinhij caeuq bang bouxgeq ndeu doengzcaez haenq- rengz rapdawz hongsaeh swnjcienz fouxlungzyieng, dazyinx haujlai bouxcoz camgya, neix hawj vwnzva Yauzcuz dangdieg ndaej swnjcienz roengzbae.