Gvaqlaeng dou dahraix cungj mbouj caiq guhcaeg, roxnaeuz gangj dou cawzbae bonjlingx guhcaeg mboujcaiq sawjyungh, saefouh son hawj dou gij bonjsaeh gizyawz, dou gak boux cungj yungh daengz ceiq ndei.

Gou ciep gvaq gij yieng ranzcawj ndenq hawj haenx, gvih baiq boux saefouh gou gingqgyaez gvaq hix ndaenq gvaq caeuq liz gyae gvaq neix. Gou doq baiq doq damz: Saefouh, cingj ndei byaij. Docih mwngz, saefouh. Saefouh, doiq mbouj gvaq.

Gyoengq beixnuengx saefouh baiq gou boizlaex. Gyoengqde hen youq song mbiengj guencaiz, daenj ndaij dawz hauq. Gou rox saefouh mbouj miz lwg, gyoengq beixnuengx de, wngdang caenhdwg gij gvanhaeh au、lan、dangz、biuj、vaihseng. Aen ranz saefouh, youq geij bi gonq dauq guh moq, dwg doengh laeuz cibbet mij gvangq samcib mij laeg、seiq caengz he, youq ndaw mbanj suenq dwg maqhuz ndei lo. Saefouh youq mwh ciuhvunz yaek gvaq, vihmaz lij hwnj ranzmoq? Gou naemj gyoengq beixnuengx ienq de baenz ciuh, de hwnj doengh ranz he louz roengzdaeuj suenq dwg hawj gyoengqde gyaudaih nem hoizbauq ba. Mbouj ngawz saek di, saefouh seizneix dai gvaq, saehsangh de nauhyied dangqmaz, aenvih mbwn rongh oksangh le, doengh ranz neix couh caiq mbouj dwg saefouh lo. Beixnuengx de yaek swnjciep roxnaeuz baen aen ranz de bae.

Bouxbaed cingq guh saehbaed. Youq aenbungz rog ranz dapbaenz haenx, goengdauh nem goeng- deihleix Cinghswng Yangh ceiq mizmingz Fanz Gvanghliengz, cingq daiq doengzdoih de, roq laz moeb gyong ciengq sawging. Gyoengqde haeujsim dangqmaz、cingsaenz raixcaix, lumj aendoih yienj- heiq mbouj lau sinhoj、gingqnieb vih lwgminz nei.

Raen gou daeuj lo, Fanz Gvanghliengz daj ndaw doengzdoih de byaij okdaeuj dongx gou. Caeuq gou doxdongx le, de lijcaengz dauqbae, laebdaeb caeuq gou gangjvah, gaendwk bienqbaenz lwnhgoj lo. Fanz Gvanghliengz dwg gauhcungh doengzhag gou, haglig de hix daengx youq gauhcungh, hoeng de guh dauh guh baenz mingzdaeuz gig haenq, gou dang cozgyah nem dayoz gyausou cungj beij mbouj ndaej de. Laux doengzhag, mwngz daeuj lo, couhdwg doiq saefouh mwngz ciudoh ceiq ndei. Fanz Gvanghliengz naeuz.

Mwngz baengh gijmaz nyinhnaeuz de dwg saefouh gou ne? Gou naeuz. Fanz Gvanghliengz baenzneix nyinhdingh gou hawj gou doeksaet yat, aenvih gou hwnj gauhcungh le couh mbouj guhcaeg lo.

Gou roxyiuj, de dwg saefouh mwngz. Gou hix miz saefouh, neix mboujmiz gijmaz law. Fanz Gvanghliengz naeuz, de lumh gij mumh de, lumjbaenz yaxdawz gijmaz gaenz nei.

Vunz mbouj dwg bouxak, bouxlawz mbouj loek gvaq, bouxdai ceiq hung, gijneix mwngz wngdang rox ba? Gou naeuz. Eiqsei gou dwg heuh Fanz Gvanghliengz gaej cungj lwnh gou caeuq Veiz Genbangh miz gij gvanhaeh saefouh caeuq lwghag lo.

Deng, gou caeuq mwngz gangj couh dwg aen eiqsei neix ya.

Gou naeuz, mwngz dwg daihsae.

Fanz Gvanghliengz naeuz, hoeng mwngz beij gou miznaj.

Neix lauheiq dwg saefouh dou mbouj dox- doengz.

Mwngz baengh gijmaz nyinhnaeuz saefouh dou mbouj dwg caemh boux vunz he ne? Fanz Gvanghliengz naeuz.

Gou doeksaet, dwg lwi?

Gou beij mwngz baiq de baenz saefouh laeng di he, caenh dwg mwngz mbouj roxyiuj hane. Fanz Gvanghliengz naeuz, de diemj ien, hix ndenq hawj gou doengz he. Gou mbouj dwg buek lwghag nem doengzdoih mwngz.

Vihmaz gou mbouj rox mwngz, mwngz cix rox gou?

Ndigah gou baenz goengdauh, mwngz baenz cozgyah nem gyausou ya.

Ndawsim gou ndaq ced meh de, gwnz bak cix gangj mwngz cij dwg gyausou, aenvih mwngz ngoenzngoenz caeuq hoenzbaed caemhyouq.

Mbouj loek, de doq gangj doq riu, saefouh dou, wngdang vih dou ndaenggon.

Couh lumj gyoengq lwgsae mwngz cingq moeb gyong roq laz guhbaed nei, gyoengqde hix wngdang aenvih miz mwngz dang saefouh cix simfaengz,

Gou caeuq Fanz Gvanghliengz lwnhgoj, gwnz naj riunyumj ndawsim cix doxdongj, fanjcingq dou dajsuenq youq gizneix caj, cigdaengz oksangh. Miz Fanz Gvanghliengz youq, cingq ngamj mbouj mbwq caeuq mbouj baiq raninz. De buenx gou lwnhgoj diemj lai cung, caiq gvaqbae guhbaed yaep he, youh gvaqdaeuj caeuq gou lwnhgoj, lumjbaenz dwg song mbiengj haihoih roxnaeuz dakdaih lingjdauj nei. Gou naeuz mwngz baenzneix mbouj yunghsim, mbouj haeujsim, mbouj lau saefouh sousib mwngz lwi? Fanz Gvanghliengz naeuz aenhoenz gou caeuq saefouh cungj doxdoeng lo, ciuqgoq ndei mwngz, cingq dwg aen eiqsei de ya.

Gou gingqyienz gikdoengh lo.

Gvaq byonghhwnz, vunz daeuj diuqsang haenx gaenq dauqbae, roxnaeuz ninz lo, sawqmwh daeuj bouxvunz he.

De daenj buhnaeng ndaem, venj saihoz hau, simnyap youh riengjvaiq dwk gvaqdaeuj, cigsoh byaij haeuj ndaw lingzdangz. Gou youq rog ranz raen de gvihbaiq bouxdai, hwnj yieng、daek laeuj. Yienznaeuz cij raen baihlaeng de, ngaeuz de hix mbouj sug, hoeng ndawsim gou lijdwg diuq ok aencoh ciengxlwenx mbouj lumz he: Vagienj.

Caj de okdaeuj, gou coux hwnjbae. De hix raen gou lo, nyinh ok gou.

De heuh aen coh gou: Fanz Yizbingz.

Gou cam mwngz baenzlawz roxnaj gou?

Mwngz bouxvunz neix yungzheih nyinh lai lo, gwnz densi raen gvaq mwngz.

Yienghceij gou baenzneix mbouj ndaej famhcoih bw, aenvih mbouj ndei deuz.

Gou dwg bouxlawz? Roxnaj gou lwi?

Gou naeuz Vagienj.

De mbouj heiqndat, gangj aencoh caen ne?

Veiz Veilonz.

(6 sat)

后来我们果然都不再做贼，或者说我们除了贼的本领不再使用，师傅教给我们的其他本领，我们各有专长，都用到了极致。

我接过司仪递来的香，跪拜我曾经敬爱也曾经怨恨和疏离的师傅。我一边跪拜一边默念：师傅，请走好。谢谢您，师傅。师傅，对不起。

师傅的众亲属在给我鞠躬回礼。他们守在棺材的两旁，披麻戴孝。我知道师傅没有子女，所谓的亲属，应该只是叔侄、堂、表、外甥的关系。师傅的房子，在几年前进行了重建，十八米宽三十米深、四层的楼房，在村里算是上好。师傅在人生接近终点的时候，为什么还要起新房？我想无非是为了给他埋怨一生的亲属们有个交代或回报吧。毫无疑问，师傅如今死了，他的丧事无比隆重，因为天明出殡之后，这幢房子就不再是师傅的了。他的亲属将继承或分掉他的房子。

法事已经在进行。在屋外新搭起的帐篷，菁盛乡最著名的道公和风水师樊光良，正率领他的团队，敲锣打鼓念唱经文。他们专心投入、精神抖擞，像一支不辞辛苦、敬业为民的文艺轻骑兵。

发现我来了，樊光良离开他的团队，走过来和我打招呼。招呼过后，他仍没有归队，继续和我说话，则变成聊天了。樊光良是我高中同学，他的学历也止于高中，但他的道行神通，非我作家兼大学教授所能比。老同学，你来了，就是对师傅最好的超度。樊光良说。

你凭什么认为他是我的师傅？我说。我对樊光良的指认感到吃惊，因为我上高中时已经不做贼了。

我晓得，他是你师傅。我也有师傅，这没什么。樊光良说，他摸着他的胡须，像抓着什么把柄一样。

人非圣贤孰能无过，逝者为大，这你应该懂吧？我说。我的意思是让樊光良不要纠缠我和韦建邦的师徒关系。

对的，我对你讲的就是这个意思呀。

我说，你是大师。

樊光良说，可是你比我有出息。

那可能是因为我们的师傅不一样。

你凭什么认为我们不是同一个师傅呢？樊光良说。

我吃惊，是吗？

我比你晚些年拜他为师，只是你不晓得而已。樊光良说，他点烟抽，也递给我一支。我不是你那批学徒和那个团队的。

那为什么我不知道你，你却知道我？

所以我成了道公，你成了作家和教授呀。

我心里骂了句狗日的，嘴上却说你才是人类灵魂的工程师，因为你天天和灵魂打交道。

没错，他边说边笑，我们的师傅，该为我们骄傲。

就像你那帮正在做念唱打的徒弟们一样，他们也应该为你这个师傅感到骄傲。

我和樊光良表面轻松和谐其实针锋相对地聊着，反正我打算在这里一直待着，直到出殡。有樊光良在，正好可以解闷和解乏。他陪我聊个把小时，再过去念一会儿经，又过来和我聊，像是两边开会或应酬的领导。我说你这么不用心，不专心，不怕师傅收拾你吗？樊光良说我与师傅通灵了，照顾好你，正是他的意思呀。

我竟然莫名地感动。

半夜三更，吊唁的人大多已经散去，或已经睡着，忽然来了一个人。

她穿着黑色皮衣，挂白围巾，沉重而急速地向房屋走来，径直朝灵堂进去。我在屋外看见她朝逝者跪拜，上香、斟酒。虽然她背对我，身影也不熟悉，但我心里仍跳出一个永不能忘的名字：花卷。

等她出来，我迎上前去。她也看见了我，认出了我。

她叫我的学名：樊一平！

我说你怎么知道是我？

她说你太好认了，电视上也见过你。

我这个样子的确是不能犯罪了，因为不好逃。

那我是谁？认出来了吗？

我说花卷。

她不生气，说真名呢？

韦卫鸾。

(6 完)