“Binghdoeg yienghmoq sienghaih hung, vunz ndeu baenz bingh daengx ranz ngaiz, cingj hawj caezgya haeujrwz lai, swhgeij gaej dang boux lujlaj, leu lang le le lang leu……”Mboengqneix, canghfwen dangdieg Vanzgyangh Mauznanzcuz Swciyen doenggvaq cauhguh “leu lang le” Mauznanz aeu yawhfuengz gaemhanh sinhgvanh feiyenz guh neiyungz neix caemhcaiq loegguh baenz aen sibinz iq, aeu sibinz faenyiengj daengz veihsinginz dangdieg le riengjret cienz hai.

“Leu lang le” dwg cungj fwen Mauznanzcuz ndeu, diuh lingzvued、caensaed caemhcaiq sengdoengh, gig miz minzcuz daegsaek naekna. Aeu mbangj cihsiz yawhfuengz gaemhanh yungh fwen “leu lang le” ciengq okdaeuj, senhconz hawj vunzlai, cungj senhconz hingzsik neix lwgminz engqgya ciepsouh ndaej.

Mboengqneix, Vanzgyangh Mauznanzcuz Swciyen Dangjveij、Cwngfuj najdoiq gij hingzseiq youq- gaenj yawhfuengz gaemhanh sinh- gvanh feiyenz, gibseiz hainduj wngq- gip yawh’anq, giengzvaq yienh、yanghcin、mbanj sam gaep lienz- doengh, doenggvaq gak cungj fuengsik haiguh senhconz yawhfuengz gaem- hanh, guh diuz fuengzsienq yiemz- maed laengzhoenx binghraq. Ciuq caengz gyoepsuenq liux, daengz seizneix, aen yienh neix gaenq fat mbawsaw lwnhrox senhconz yawh- fuengz gaemhanh sinhgvanh feiyenz daih’iek 10 fanh faenh, fat saenqsik dinj hawj vunz 120 lai fanh diuz, veihsin doisoengq 6000 lai diuz, venj fukbaengzhoengz 650 lai diuz, guh senhconz banjgvai 100 gaiq, fat senhconz swhliu 5 fanh lai faenh, doengzseiz yungh aen lahbah、wngqgip gvangjbo bingzdaiz、aen cisenhconz riuzdoengh boq hawj gak mbanj, aeu gij saenqsik yawhfuengz gaemhanh senhconz hawj ranzranz cungj rox bae.

(Mungz Hungzgyauz)