Hong yawhfuengz gaemhanh sinhgvanh feiyenz hainduj le, vih hawj vunzlai gak minzcuz vunznoix bouxboux dingq rox gij gvendaengz cwngcwz caeuq fuengzhoh cihsiz yawhfuengz gaemhanh sinhgvanh feiyenz, Guengjsae yungh Vah- cuengh、Vahyauz、Vahdung、Vah- mulauj、Vahmauznanz daengj vah minzcuz vunznoix caeuq vah guekgya doeng’yungh roxnaeuz vahdeihfueng Vahgun dangdieg song vah senhconz fuengsik, senhconz hong yawhfuengz gaemhanh sinhgvanh feiyenz bang- rengz dwk doeng goengleix ceiq doeklaeng hong senhconz yawhfuengz gaemhanh binghraq.

Ciuq cam rox, dieg comzyouq minzcuz vunznoix Guengjsae aen cungsim yungzmeizdij si yienh hailaeb miz gvangjbo cezmuz vah minzcuz caeuq densi cezmuz vah minzcuz, cungj yungh vah minzcuz vunznoix dangdieg caeuq vah guekgya doeng- yungh roxnaeuz vahdeihfueng Vahgun dangdieg song vah cienz sing senh- conz fuengsik, boqok gij sing’yaem、dunghcih、gunghgau、saehmoq daengj neiyungz yawhfuengz gaemhanh bingh- raq, aeu gij gvendaengz cwngcwz caeuq fuengzhoh cihsiz yawhfuengz gaemhanh sinhgvanh feiyenz, gib- seiz cienz daengz dieg comzyouq minzcuz vunznoix, guh daengz mbanjmbanj dingq ndaej daengz gij sing’yaem aendangj, bouxboux dingq rox gij cihsiz yawhfuengz gaemhanh bingh raq, mbouj aenvih vahgangj dingq mbouj rox gij cihsiz yawhfuengz gaemhanh binghraq cix lau.

Riengzdwk sinhgvanh feiyenz hwngfat, vunzlai yied daeuj yied lai haeujrwz faenh bingh neix, mbangj aen cungsim yungzmeizdij si yienh loegguh boqcuengq 《Benq Senhconz Fwen Yawhfuengz Gaemhanh Sinh- gvanh Feiyenz》 banj vah minzcuz vunznoix, lai roenloh cienzdoh gij cihsiz yawhfuengz gaemhanh bingh raq, gaenxmaenx sonyinx vunzlai minzcuz vunznoix vut gij gvenq gwnndoet mbouj cangqheiq bae, guh ndei henhoh ndanggaeuq caeuq caeuqfaenh yawhfuengz gaemhanh binghraq.

Dangjcwng gihgvanh dieg comz- youq minzcuz vunznoix youq mwh guhhong senhconz yawhfuengz gaem- hanh bingh, yungh vah minzcuz vunznoix gangj、yungh vah minzcuz vunznoix gejnaeuz, yungh vah minzcuz vunznoix fanhoiz、yungh gij hingzsik biujyienh vwnzva conzdungj maenh- ndei minzcuz vunznoix daeuj senh- conz, roengzrengz aeu gij gvendaengz cwngcwz caeuq fuengzhoh cihsiz yawhfuengz gaemhanh sinhgvanh feiyenz gangj ndaej cingcuj, hawj vunzlai minzcuz vunznoix dingq ndaej mingzbeg. Cungj fuengsik yungh vah minzcuz vunznoix senhconz yawh- fuengz gaemhanh bingh neix, ndaej engq vaiq engq ndei engq gvangqlangh dungyenz、cujciz caeuq comzgiet vunzlai minzcuz vunznoix, cienzmienh doeksaed lenzfangz lenzgung banhfap, cauhlaeb diuz fuengzsienq yiemzmaed baenz gyoengq fuengz baenz gyoengq ceih.

Guengjsae gak dieg aen hezvei fwen veiyenz yungh fwen cungj hingzsik doengsug rox ngaih、vunzlai minzcuz vunznoix gyaez dingq gyaez yawj haenx, aeu gij gvendaengz cwngcwz caeuq fuengzhoh cihsiz yawhfuengz gaemhanh sinhgvanh feiyenz bien baenz fwen, youq veihsinginz、veihsin gunghcunghau doisoengq cienzboq, hawj senhconz yawhfuengz gaemhanh bingh engqgya sengdoengh, engqgya depgyawj vunz- lai minzcuz vunznoix. Cienzciengq hot dem hot fwen gig miz daegsaek minzcuz vunznoix, mboujdan daez- swng lai roxyiuj gij cihsiz yawhfuengz gaemhanh bingh, lij diuhdoengh vunzlai minzcuz vunznoix gaenxmaenx caeuqfaenh yawhfuengz gaemhanh bingh.

(Cangh Haijyingh)