“Ginzcwzgwzlah”Nanzdanh dwg cungj foux gyoengqvunz Bwzguyauz gyaezmaij ndeu, dwg gij gyonjcomz vwnzva maenhndei youz vunzlai Yauzcuz youq ndaw lizsij hwngfat nanznanz de cauh baenz haenx, baihndaw baugvat doenghgij lizsij、vwnzva、fungsug vunzlai、cunghgyau daengj doenghyiengh.

“Ginzcwzgwzlah” dwg ciuq gij yaem vah Bwzguyauz hoiz, eiqsei dwg“dwk lingzgeq”; aenvih aeu gyongluengz buenx sing couh youh heuhguh “fouxgyongluengz”. “Ginz- cwzgwzlah”Nanzdanh daj fungsug vunzlai Bwzguyauz hairanzcai ndawde hwngfat daeuj, dwg sam cungj fungsug hairanzcai ndawde cungj ndeu, couhdwg gyongluengz dajcaeq.

Gyoengqvunz Bwzguyauz hai- ranzcai seizhaenx cungj yaek guh aen yizsi dajcaeq hung, ndaw yizsi miz aen neiyungz ndeu dwg roq gyongluengz. Guh gij saeh neix ne, couhdwg aeu haujlai aen gyong- luengz venj coq gwnz gyaqfaex, boux ndeu fwngzswix gaem fagcuiz roq gyang naj gyongluengz, fwngz- gvaz gaem gaiq faexgyaengh iq ndeu roq henz gyongluengz, boux ndeu dawz aen doengjfaex ndeu soengq haeuj ndaw gyong youh daz ok- daeuj, yienghneix haeujhaeuj okok. Gyoengqde nda haujlai aen gyong- luengz baenz yiengh bakdou. Youq gyang“bakdou”neix, miz aen gyongfaex ndeu sang mij ndeu baedauq, dungx na 60 lizmij. Boux ndeu doq roq gyongfaex doq diuq- foux. Cungj foux neix couhdwg“Ginzcwzgwzlah”.

Diuq“Ginzcwzgwzlah”ne youz aen gyongnaeng ndeu vixyinx, bouxyienj roq haujlai aen gyong- luengz hawj gyoengqde caezcaemh yiengj, gyongluengz caeuq doengj- rumz caez yiengj, bouxvixyinx doq roq doq diuq, gij ningdoengh de ciuq duzlingz gwnz bya, vunzlai humx gij gyongluengz neix buenx diuq; gij yienghsiengq ningdoengh miz daeg- saek ciuh gaeuqgeq、riengjret、mizrengz. Gij ningdoengh daeuz“Ginzcwzgwzlah”miz roq song baez、roq baez ndeu、heux gyong roq song baez caeuq duzlingz loengh gyong daengj 14 mbaek, gungh 70 aen cietbek.

2014 nienz 11 nyied 11 hauh, “Ginzcwzgwzlah”Nanzdanh ginggvaq Gozvuyen baecinj, ndaej lied haeuj daihseiq buek guekgya gaep feihyiz gya’gvangq mingzloeg.