Ndwen 1 ngoenz 2, bouxswnjcienz feihyiz Cinz Gveicinh youq Sanhgyangh Dungcuz Swciyen Sanhgyangh Cunghyoz sonyinx hagseng haglienh dinfwngz daemj man Dungcuz. Geij bi neix daeuj, aen hagdangz neix yungh cauhlaeb aen bujdungh gauhcungh miz daegsaek swcigih guh seizgei, haenqrengz doihengz moix aen ban hai dangzgoq Dungcuz vwnzva caeuq yisuz “leih doh gyauyuz”, doenggvaq bae cingj caeuq gungganq lauxsae ciennieb、bienguh cek sawson hagdangz Dungcuz vwnzva、cauhbanh aen guenj vwnzva feihyiz hagdangz、haiguh ciet vwnzva yisuz hagdangz daengj banhfap caemh yungh, aeu golaux Dungcuz、gij siuq Dungcuz、man Dungcuz、gyong laz gimz yienz Dungcuz daengj feihyiz vwnzva lai yiengh yinx haeuj hagdangz、yinx haeuj dangzgoq、yinx haeuj sawson, guhbaenz aen dijhi daegsaek banhhag“dangzgoq ciennieb+dangzgoq daegsaek”“gihcuj gyauyuz+leih doh gyauyuz”“sedonz hozdung+dangzgoq rog dangz”, hawj hagseng ndawhag ndwenngoenz fungfouq doengzseiz, rengzrwd coicaenh vwnzva daihdaih doxcienz.

(Gungh Bujgangh/龚普康)