Mwh okdaeuj, aen daeh de bienq venj youq gwnz mbaq lo, caemhvaiq yungh fwngz yax dem, lumjbaenz hawj aendaeh gya aen suj he nei.

De byaijcoh souhgoucan. Gij vunz gai huq haenx gaenq youq ndaw souhgoucan baizdoih lo. Ndawde couh miz gij vunz dou, de dwg Meuzgeq. Ndaw fwngz Meuzgeq gaem aen daehndaij he. Gou rox ndaw daehndaij miz duz ngwz he. Gou yienznaeuz yawj mbouj raen Mahenj、Vagienj caeuq Douqndoi, hoeng gou rox gyoengqde couh youq henznden, youq mwhseiz habngamj cij okdaeuj.

Veiz Youjgenz baez daengz souhgoucan, gyoengqvunz cungj hai loh hawj de haeujbae. De yoet fag yaekseiz venj youq gwnz saivaq haenx okdaeuj hai dou. Hai dou le de mbouj gip sou huq saek di, de genjcaz gij doenghduz ndaw souhgoucan caengz ndaej yinh okbae haenx gonq, yawjyawj miz mbouj miz duz lawz dai. Dahraix miz duz he dai gvaq, duz de dwg duznyaenmak. De mbouj gip mbouj muengz、mbouj in mbouj haenz dwk daj ndaw rongz dawz duznyaenmak okdaeuj, baij youq gwnz dieg, Gaekdwk de hawj doihduz lix haenx gueng gijgwn caeuq raemx. Liux le, de nunu fwngz, lumjbaenz nu gij heiqhaeu haenx bae nei. Baenzneix de cij naengh daengz henz gvih, baij aen suenq- buenz okdaeuj, baij hwnj gonjbit caeuj bonjbitgeiq, lij hawj aencung hwnj lienh. Guh sat gij saeh neix le, de cij daj gwnz mbaq dawz aendaeh roengzdaeuj, cuengq haeuj ndaw gvihdoengj bae, de gaendwk yawj coh ndaw gvihdoengj, fajfwngz youq ndaw gvihdoengj doenghyubyub, lumjbaenz rag diuz lienhdaeh caeuq faen ngaenz hung ngaenz lingz.

Sou bouxnduj dwg gai duzngwz. Dwg duz ngwznganxgingq he, bouxsai gai ngwz haenx miz hajcib bi baedauq. Mwh baizdoih de couh itcig gaem dwk, song fwngz gaem ndaej lauxhangz raixcaix, lumj bouxgaebngwz ciennieb nei. Veiz Youjgenz hix lumjbaenz caeuq de doxsug, yawj duzngwz baez he, couh heuh de cuengq duzngwz haeuj rongzngwz baih henz bae. Caj de dauqma, Veiz Youjgenz hawj de seiq maenz ngaenz. De habhoz dwk dauqbae lo. Gou yawj gij gyaq sou duzngwznganxgingq venj gwnz ciengz haenx, dwg gaen maenz he. Duz ngwz haenx yawj hwnjbae hix gaeuq seiq gaen. Baenzneix gangj Veiz Youjgenz hix mbouj dwg bouxboux cungj gaeu ngaenz.

Sou boux daihngeih dwg gai vagimngaenz. Dwg yahlaux he. Gij vagimngnaenz yahlaux coux youq ndaw gyaw, rim dangqmaz, gaenq dak hawq lo, gou guj miz haj gaen baedauq. Veiz Youjgenz caengh vagimngaenz, gaeu gij naek aengyaw, dwg haj gaen dahraix. Hoeng Veiz Youjgenz naeuz vagimngaenz caengz hawq ndei, gaeu bae gaen raemx he, caenh hawj seiq gaen ngaenz. Yahlaux mbouj simfug, gouz Veiz Youjgenz caiq hawj sam gak ngaenz. De yaengx aen bingz hoengq ndaw fwngz, naeuz caiq hawj gou sam gak ngaenz cawx youzdaeng vei. Hoeng Veiz Youjgenz couh dwg mbouj hawj. Yahlaux mboujmiz banhfap dauqbae lo.

Gaendwk lwnz daengz Meuzgeq lo. Meuzgeq rumh baihrog daehndaij nyaenj aen gyaeuj duzngwz, yienzhaeuh cik fwngz wnq iet haeuj ndaw daeh bae, caiq nyaenj gyaeuj duzngwz, rag duzngwz okdaeuj. Duz neix hix dwg duz ngwznganxgingq, miz song gaen naek, buenq mij raez. Meuzgeq fwngz he yax gyaeuj ngwz, fwngz he gaem rieng ngwz, lumz dawz fag giemq he nei, mwh saenzdedded cingq yaek gyau hawj Veiz Youjgenz, duzngwz sawqmwh raeuz ok fwngz Meuzgeq, doek daengz gwnz dieg.

Gyoengqvunz hemqcaca, youq seizneix miz vunz rongx: Ngwzdoeg haeb vunz lo!

Dwg Vagienj rongx, gou rox dwg de. Gij yinvu de dwg guhluenh le caeuq Meuzgeq dox han’wngq.

Souhgoucan sikhaek luenh caez, gyoengqvunz seiqlengq ndonj, mwngz caenx gou, gou nyoengx mwngz, lumj gyoengq lwgminz ngaiz caq ndaw dienh’ingj nei.

Duzngwz gwnz dieg ruenz daengz gok ciengz, mbouj miz loh bae. De ngiengx gyaeuj hwnjdaeuj, coh vunz biq diuzlinx de, haep gij vunz yawjngonz de haenx.

Veiz Youjgenz naengh mbouj onj lo. De ndwn hwnjdaeuj, byaij ok laeng gvih. De yax faggeb he, gag boux he mbouj lau saek di dwk byaijcoh duzngwz, lumj bouxak mbeihung nei. Faggeb ndaw fwngz de yaepyet couh geb dawz caetconq duzngwz, gaemhdawz duzngwz. De ngeux ndang yawjraen Meuzgeq, yawj duzngwz miz saek song gaen naek, yakywt dwk gangj: Gaen buenq. Meuzgeq mbouj gangj gijmaz. Veiz Youjgenz cigciep cuengq duz- ngwz haeuj ndaw rongz bae, gaendwk dauq haeuj ndaw baihlaeng gvih.

De rag hai aen gvihdoengj, cingq siengj aeu ngaenz hawj Meuzgeq, de fatyienh aen daeh mbouj youq lo.

Hoeng gou youq, Vagienj youq, gya hwnj Meuzgeq, dou cungj youq gizhaenx, lumj sam boux lwgnyez lauxsaed、maenh’ak nei.

Gungh’anh gig vaiq couh daengz lo, ngamq boux vunz he. Dou roxnaj de, heuh Danz Gungh- anh. Danz Gungh’anh yienzbonj mbouj rox dou, hoeng seizneix rox lo. De cam aencoh dou, lij cam dou geij boux dox roxnaj lwi. Meuzgeq naeuz dou caemh mbanj, duzngwz haenx dwg sam boux dou gaeb ndaej, doxcaez dawz daeuj gai, gai le doxfaen ngaenz. Danz Gungh’anh heuh dou cungj mbon gij doxgaiq ndaw ndang okdaeuj. Dou mbon ok gij doxgaiq daengx ndang, couh dwg mboujmiz ngaenz. Veiz Youjgenz youh boux nem boux mo gwnz ndang dou, mbouj raen saek faen ngaenz. Danz Gungh’anh saenq dou, cuengq dou dauqma ranz. Dou hainduj lij mbouj byaij, aenvih Veiz Youjgenz lijcaengz hawj ngaenz dou.

(3)

出来的时候，他原来拎的包变成挂着了，而且还搭上了一只手，像加了一把锁。

他往收购站去。收购站已经有卖货的人在那里排队了。其中就有我们的人，他是老猫。老猫的手里拎着一个麻袋。我知道麻袋里是一条蛇。黄狗、花卷和野兔我虽然没有看见，但我知道他们就在附近，在相应的时机才会出现。

韦有权一到收购站，所有人整排地让开，给他通过。他拔出别在裤腰带的钥匙开门。开门后他一点也不着急收购，而是先检查收购站里尚未运走的动物，看看有没有死的。果然有一只死的，那是一只果子狸。他不慌不忙、不痛不痒地把果子狸从笼里拿出来，放进一个桶里。然后他给活着的动物食物和水。罢了，他搓搓手，像是把气味搓掉一样。他终于坐到了柜台边，打开抽屉，把算盘拿出来摆上，把笔和笔记本摆上，还给钟上链。做完这些事情，他才把挂包从身上拿下来，放进抽屉里，目光也跟随进了抽屉，手在抽屉里还有动作，像是拉开拉链和区分大钱和零钱。

第一个收购是卖蛇的。是一条眼镜蛇，是一个五十岁左右的男人。排队的时候他就一直拿着，双手拿捏得十分老到，像是个专业捕蛇者。韦有权也像跟他很熟，看了蛇一眼，就示意他自己将蛇拿到一边的蛇笼去放。等他回来，韦有权给了他四元钱。他满意地走了。我看了看墙上眼镜蛇的收购价格，是一斤一元。那条蛇目测也是四足斤。说明韦有权也不是每个人都克扣的。

第二个收购是卖金银花的。是个老婆婆。老婆婆的金银花装在一个背篓里，满满当当的，已经晒干，我估摸有五斤左右。韦有权将金银花过秤，扣除背篓的重量，果然是五斤。但是韦有权以金银花未干为由，扣掉了一斤的水分，只付了四斤的钱。老婆婆不服，央求韦有权再给三毛钱。她举着手里的一只空瓶子，说再给我三毛钱买煤油吧。但韦有权就是不给。老婆婆只能就走了。

接着轮到老猫了。老猫摸索麻袋将蛇头摁住，然后一只手伸进袋子里，捏住蛇头，将蛇拖出来。这也是一条眼镜蛇，有两斤重，半米长。老猫一手抓蛇头，一手握蛇的尾部，像捧着一把剑，战战兢兢正要交给韦有权的时候，蛇忽然滑出老猫的手，掉落在地。

一声尖利的喊叫，在这个时候及时发出：毒蛇咬人了！

喊叫者是花卷，我知道是她。制造混乱策应老猫是她的任务。

收购站果然乱作一团，顿时像炸开的锅。人们四散躲逃，我推你，你推他，像电影里遇到轰炸的平民。

地上的蛇爬到墙根，走投无路。它昂起头，面向人，吐着蛇信子，威吓着观望它的人。

韦有权坐不住了。他站起来，离开柜台。他操起一把摄叉子，独自并且从容不迫地向蛇走去，像个孤胆英雄。他手里的摄叉子一下夹住了蛇的七寸，将蛇控制。他回身看见了当事人老猫，看着足有两斤的蛇，恶狠狠地说：一斤半。老猫没有异议。韦有权将蛇直接拿到蛇笼去放，然后返回柜台。

他拉开抽屉，准备掏钱付给老猫。他发现包不在了。

但我在，花卷在，加上老猫，我们都还留在现场，像三个诚实、勇敢的孩子。

公社公安很快就来了，就一个。我们认得他，叫谭公安。谭公安原本不认得我们，但现在认得了。他问了我们的姓名，还问了我们之间是什么关系。老猫说我们是同一个村的人，那条蛇是我们三人共同捕获的，一起拿来卖，然后一起分钱。谭公安让我们把身上的东西都掏出来。我们掏出身上所有的东西，就是没有钱。韦有权又一一搜我们的身，见不到一分钱。谭公安相信我们，把我们放了。我们开始还不走，因为韦有权还没有把钱给我们。

(3)