Haenqrengz lienh duenh seizgan he, caemh- caiq doenggvaq saefouh genjleh le, dou ndaej okdou guhcaeg lo. Saefouh hawj yinvu dou dwg: Caeg gij ngaenz Veiz Youjgenz souhgoucan.

Ngoenzhaenx dwg ngoenzhaw. Seizhaenx dwg caet ngoenz baez haw he, hix couh dwg bungz ngoenzsinggeiz baenz ngoenzhaw. Ngoenzhaw ngoenzsinggeiz, doiq dou lij doeg saw daeuj gangj, dwg ngoenzndei guhcaeg.

Gwnz haw ngoenzhaenx lumj ngoenzhaw bingz- ciengz nei nauhyied. Danghnaeuz gangj miz gijmaz daegbied roxnaeuz mbouj doxdoengz, couh dwg gwnz haw miz haj boux lwgnyez bet daengz cib bi miz dungzcaiz haenx,gyoengqde dwg doihguhcaeg hag ndaej suglienh he, ngoenzneix dwg gyoengqde guhcaeg baeznduj, hix dwg baez gaujsi youqgaenj he. Caemhcaiq gyoengqde gag okdou guh saeh, saefouh mbouj oknaj. Saefouh vihmaz mbouj oknaj? Gou gvaqlaeng naemj, mbouj dwg aenvih saefouh saenq ndaej gvaq dou, cix dwg vih henhoh dou, hix vihle henhoh swhgeij de. Saefouh dwg bouxguhcaeg, fajnaj de vunzmbanj cungj rox liux. Danghnaeuz de ok haw, gyoengqvunz haengjdingh dwglau, couh lumj duznouguk ndwn youq ndaw rongzgaeq duzgaeq haengjdingh gaenjcieng caeuq gingjgaeh nei.

Dou haeuj ndaw haw bae, mboujmiz saek bouxvunz haeujsim daengz, couh lumj geij duz- byanouq ndonj haeuj ndaw daemz nei.

Souhgoucan youq mbiengj baihsae aenhaw, youq cungqgyang youzdensoj caeuq sizbinjcan. Gizhaenx dwg gizdieg vunz ceiq lai, hix dwg gizdieg gyoengqvunz mbon daehngaenz ceiq lai he, gou seizneix heuh de baenz ginhyungz cungsim. Dou banhaet gouj diemjcung daengz souhgoucan, yawj aencung gwnz gvih Veiz Youjgenz couh rox dwg aen seizgan neix. Dou genj seizneix daengz gizhaenx, dwg aenvih duenh seizgan neix vunz cugciemh lai lo, hoeng gij ngaenz ndaw fwngz Veiz Youjgenz lij miz dingzlai lijcaengz cei okbae. Yienghneix dou cij miz ngaenz caeg.

Youq seizhaenx gaxgonq diemjcung he, gou laeglemx gaenriengz Veiz Youjgen bae sinyungse aeu ngaenz. Saefouh naeuz hawj gou, ranz Veiz Youjgenz youq gunghse. Gunghse gvaqlaeng heuh yanghcwngfuj. Gou roxnyinh Veiz Youjgenz, gou gai naeng noucoengz hawj de gvaq. Mbaw naeng noucoengz he ndaej gai gak ngaenz he, hoeng de gingciengz hawj gou haj faen, ceiq lai bet faen ngaenz. De naeuz yiengh mbawnaeng noucoengz gou mbouj baenz yawj, couhdwg yawj mbouj swnh da, fanjcingq dwg de gangj liux suenq. Gou dingqnyi haujlai vunz naeuz gij huq gyoengqde gai hawj souhgoucan haenx, cungj ngaiz Veiz Youjgenz gaeuq ngaenz, mbouj ndaej ngaenz gaeuq gvaq. Souh- goucan caenh Veiz Youjgenz bouxvunz he, de guh gijmaz cungj ndaej, gangj gijmaz cungj baenz, gyoengqvunz youq baihlaeng heuh de guh Nanzbadenh.

Mwh engq caeux, gou couh youq funghranz gunghse de deq lo. Dou okdou engq caeux, gaeq haen couh okdou lo. Gou laeglemx okdou, daeuj daengz henz dah. Saefouh gaenq youq gwnz saz caj dou lo. Gou、Mahenj、Douqndoi、Meuzgeq caeuq Vagienj cungj daengz caez lo, de couh soengq dou gvaq dah baihhaenx bae. Dou roek bouxvunz ndwn youq aensaz seiq diuzndoek gab baenz haenx, mbouj daenj haiz. Aenvih naek lai, aensaz mbaen haeuj ndaw raemx, raemxdah dumh fajdin dou liux. Gou roxnyinh nit daengz ndaw ndokgoet bae, aenvih gaenq dwg ndwenlab lo. Gou saenq bouxwnq hix lumj gou nei.Hoeng dou cungj ndwn ndaej onjdangq, lumjbaenz gohaeux gaenq ok riengz nei. Aensaz daz daengz hamq baihhaenx, saefouh hwnj hamq gonq, gaendwk baez boux baez boux rag dou hwnj hamq. De mbouj gangj saek coenz vah, lumjbaenz vahdaengq cungj youq ndaw fwngz yien dou haenx lo. Gaendwk dou daenj haiz. Caj dou daenj haiz ndei, gaenq mbouj raen saefouh lo. De caeuq aensaz gaenq siusaet youq ndaw mokdah banhaet.

Henz hamq dwg goengloh, riengz goengloh byaij coh baihsae haj goengleix, couh dwg aenhaw Cinghswng Yangh. Gou、Mahenj、Douqndoi、Meuz- geq caeuq Vagienj youq mwh liz aenhaw lijmiz goengleix he seiz, couh doxbiek lo, gag bae guh gij saeh swhgeij. Gij hong gou dwg deq vunz.

Ranzyouq gunghse dwg song baiz ranzdaemq, Veiz Youjgenz youq baiz baihlaeng youq baihgvaz geq gvaqdaeuj funghranz daihngeih. Gou caengz daeuj deq saefouh couh naeuz gijde hawj gou. De yienznaeuz mbouj daeuj, cix gijmaz saeh cungj rox. Gou benz hwnj gwnz gofaex dep baihgvaz song baiz ranzdaemq bae, deq Veiz Youjgenz.

Ranzdou Veiz Youjgenz hai lo. De okdaeuj cat heuj gonq, longz geu buhfaiq he. Gvaqlaeng de youhcaiq dauq haeujbae, gvaq yaep he okdaeuj, lij daenj geu buhfaiq haenx, bouxvunz cix beij haxbaenh ronghsien cingjcaez lai lo. Bwn’gyaeuj de lwenq raixcaix, cungj boek gvaq baihlaeng gyaeuj bae, lumj caznywj laemx gvaq mbiengj he bae nei. De gven dou cix mbouj suj dou, baenzneix gangj ndaw ranz lij miz vunz youq. De dawz aen daeh daiq cag he, cwxcaih bibuengq dwk, baenzneix gangj ndaw daeh seizneix mbouj miz ngaenz. De doq byaij doq siuqrumz, baenzneix gangj haemhlwenz de lauheiq ninz ndaej gig raeujrumh. Gvaqlaeng gou rox de miz mehyah beij de hauxseng ngeihcib bi he.

Caj de bae gyae, gou daj gwnz gofaex roengzdaeuj, gaenriengz youq baihlaeng de, vih mbouj hawj de fatyienh, gou caeuq de doxgek duenh loh he.

De byaij haeuj sinyungse gyang haw, haeujbae, haengjdingh dwg aeu ngaenz.

(2)

经过一段时间的刻苦训练，并且通过了严格的考核，我们终于要实战了。师傅给我们的任务是：偷收购站韦有权的钱。

那天是圩日。那时的市场是七天一圩，也就是逢星期天便是圩日。星期天圩日，对还在念书的我们来说，是行窃的好日子。

那天的圩场像往常的圩日一样热闹和有序。如果说有什么特别或不一样，就是圩场上出现了五个八到十岁的身怀绝技的儿童，这是一个训练有素的偷窃团伙，今天是他们第一次出任务，也是一次大考。而且他们是独立独行，师傅没有出马。师傅为什么没有出马？我后来想，不是因为师傅信任我们，而是为了保护我们，也为了保护他自己。师傅是个贼，他的声名十里八乡都知道的。他如果出现在圩场上，就会引起人们的惶恐，就像黄鼠狼出现在鸡群里鸡一定会紧张和警惕一样。

我们在圩场的出现，果然没有引起人们的注意，像几只小黄鳝钻进了鱼塘一样。

收购站在街的西侧，在邮电所和食品站的中间。那是人流密集的区域，也是现金收支最多的地方，我如今用金融中心来形容它。我们到达收购站的时间是上午九时许，韦有权柜台上的座钟有指示。我们选择在这个时间到达，是因为这个时段人开始多起来，而韦有权掌握的钱还有大部分没有支付出去。这是我们的可乘之机。

在这之前一个小时，我跟踪韦有权去信用社取款。他住在公社的宿舍，这是师傅告诉我的。公社就是后来的乡政府。我认得韦有权，我拿松鼠皮卖给过他。一张松鼠皮收购标价是一角钱，但他通常给我五分，最多八分。他克扣的原因是品相不好，就是看不顺眼，总之是他说了算。我听很多人说他们卖给收购站的货物，都被韦有权克扣，没有得过全价。收购站就是韦有权一个人，他大权独揽，为所欲为，被人们背地里称为南霸天。

更早的时候，我就在公社宿舍守候了。而我出门的时间还要早，鸡叫就出门了。我悄悄离开家，来到河边。师傅已经在竹排上等我们。我、黄狗、野兔、老猫和花卷到齐了，他便把我们渡过河去。我们六个人站在四根竹子连接成的排筏上，光着脚。因为超重，竹排没在了水里，河水也漫过我们的脚踝。我感觉到刺骨的冷，因为这是岁末冬天。我相信其他人的感觉也和我一样。但我们都站得很稳，像已经抽穗的水稻一样。竹排渡达河对岸，师傅先上岸，然后一个一个地接我们上岸。他一句话都不说，似乎嘱咐都含在牵着我们的手里了。然后我们穿鞋。等我们穿好鞋，发现师傅已经不见了。他和竹排消失在清晨的河雾中。

岸边是公路，沿着公路往西走五公里，便是菁盛乡的圩场。我、黄狗、野兔、老猫和花卷离圩场还有一公里的时候，便分开了，各行其是。盯梢是我的工作。

公社宿舍有两排平房，韦有权住在后面一排右数过来第二间。这也是师傅事先告诉我的。他虽然没来，却什么情况都知道。我爬到两排房子靠右侧的一棵树上，开始俯瞰。

韦有权的房门开了。他先出来刷牙，披着一件棉衣。然后他再进去，过了一会儿出来，还穿着那件棉衣，却比先前光鲜齐整多了。他的头发油油亮亮，全往后翻，像一边倒的草丛。他关门而不锁门，说明屋里还有人。一个带绳的包拎在他手上，随意地轻飘晃荡，说明包里现在没钱。他一边走一边吹着口哨，说明他昨晚上睡得或过得很舒服。过后我知道他有一个比他年轻二十岁的妻子。

等他走得一定远，我从树上下来，随在他身后，保持不被他发现的距离。

他走到位于街中心的信用社，进去，一定是取钱。

(2)