Mboengqneix, Guekgya Minzveij goengbouh yaek laeb mingzdan aen- mbanj aenyangh(dieggoek hengzguh) miz daegsaek hag song vah daengx guek, Dunghlanz Yen Vujcon Cin ndaej senj haeuj.

Ciuq cam rox, Guekgya Minzveij Gyauyuz Gohgiswh ciuq gij cingzgvang gak dieg bauq, ciuq goengbingz、goengcingq、goenghai yenzcwz, ginggvaq guh lauxhangz bingzsaemj、bouhmonz saemjhaed cwngzsi, cunghab ngeix- naemj gij cingzgvang hag yungh vah saw guekgya doengyungh caeuq vah saw minzcuz vunznoix、dieg faenbouh daengj gak fuengmienh yinhsu, Guekgya Minz- veij senj dingh le aen danhvei deqsenj giekdaej haemq ndei、guhhong lohnaemj haemq cingcuj、dangdieg haemq yawj- naek haenx, dangguh yaek laeb mingzdan aenmbanj aenyangh(dieggoek hengzguh) miz daegsaek hag song vah daengx guek.

Dunghlanz Yen Vujcon Cin daj bi 2017 byaibi ndaej liedhaeuj dieg guhyiengh aenmbanj(segih) song vah huzndei daengx guek buek daihngeih doxdaeuj, aen cungsim swnjcienz vah minzcuz ndaw yienh caeuq Vujcon Cin dangjveij cwngfuj doiqciuq gij biucinj cauhlaeb song vah huzndei, gaenxmaenx haiguh hong cauhlaeb, doenggvaq banh gak hangh vwnzva hozdung vunzlai gyaez dingq haengj yawj doengzseiz, lij yungh dieg youq yangh cwngfuj guh diemj, aenmbanj guh mienh, diemj mienh dox giethab, caenh’itbouh gya- hung gij cingzsoq cwgoemq geiqhauh Cuengh Gun song vah. Linghvaih, Aen Cungsim Swnjcienz Vah Minzcuz Dunghlanz Yen hopheux gij cungjyinvu hong banggungz daengx yienh, aeu song vah huzndei yungzhaeuj vut gungz gunggeng bae saedhengz. Youq dieg guhyiengh song vah huzndei Vujcon Cin haibanh “aen ban yungh Vahcuengh Vahgun son gohgi” “muengx dox- lienz+ciengx gyaeqndokndaem” daengj dangzgoq son dinfwngz, yungh Vah- cuengh bonjdieg son, hawj vunzlai dingq ndaej rox、hag ndaej vaiq、rox cingcuj、geiq ndaej maenh, bangrengz vunzlai vut gungz, doidoengh ginghci hwngfat.

(Veiz Vanjswh)