Vih senhconz gij cingsaenz Cibgouj Gaiq Seiqcung Cienzhoih Dangj, cienz gij cingsaenz fapceih, ndwen 12 ngoenz 18, Liujcouh Si Minzcunghveij、Si Swhfazgiz youq Yungzsuij Myauzcuz Swciyen Ganjdung Yangh Dangjgiuh Cunh Mbanjvuhyingh Mbanjmyauz hai- guh aen hozdung yungh “song vah song soengq” gangj gij cingsaenz Cibgouj Gaiq Seiqcung Cienzhoih Dangj caeuq bae mbanj soengq fap minzcuz doxgiet, hawj gij cingsaenz cwngcwz dangj haeuj Mbanjmyauz、hawj fapceih haeuj gyangsim vunzlai dieg minzcuz vunz- noix bae youq, vih hwnjguh Mbanj- myauz ginghci hwngfat、swnghdai vwnzmingz、 doxhuz vuenyungz cauh’ok gij vanzging fapceih ndei.

Ngoenzhaenx banhaet, gyoengq vunz Mbanjmyauz daenj buhvaq moq- sag gyaeuget doxcomz youq giz ndeu, bouxsenhgyangj aen duenz senhgyangj Yungzsuij giethab gij hwngfat Mbanj- myauz, faenbied yungh Vahmyauz caeuq Vahgun song cungj vah gangj gij cingsaenz Cibgouj Gaiq Seiqcung Cienzhoih Dangj hawj vunzlai Myauz- cuz, gangj ndaej depgyawj vunzlai, hawj gyoengqde lai rox gij cingsaenz Cibgouj Gaiq Seiqcung Cienzhoih Dangj.

Hozdung yienhciengz lij guh senhconz、ciengjdap、camcaz faplwd cihsiz “song vah” dem, vunzlai Myauz- cuz gaenxmaenx caeuqfaenh hag fap hozdung. Baez hozdung neix fat mbawdan senhconz、ceksaw iq senhconz 600 lai faenh, venj fuk baengzhoengz senhconz 6 fuk, gejdap mizgven camcaz 50 lai vunzbaez.

Ciuq cam rox, aen mbanj neix dieg youq diegbya gapgyaiq Gveicouh Gvangjsih, Vahmyauz dwg cungj vah dandog vunzlai dangdieg yungh. Mbanj- vuhyingh Mbanjmyauz youq Gvangjsih daiqdaeuz hwnjlaeb aen cujciz “song vah” yinzminz diuzgaij, yinzminz diuz- gaij dwg gij cujyau fuengsik Mbanj- myauz gaijgez cengnauh, gaenq baenz “giz onjdingh” Mbanjmyauz huzndei, Mbanjmyauz ciuq fap hag fap souj fap yungh fap funghsang moq cugyamq guhbaenz.

(Fu Yungjsinh Vangz Veij/傅永新

王 炜)