Makgamgaet Sou Ndaej

Lai Vunz Ndaem Mak Miz Souhaeuj

Ndwen 12 ngoenz 11, youq suen makgamgaet fanh moux bak aen mbanj Liujcouh Si Yungzanh Yen, vunz ndaem mak cingq buen makgamgaet. Seiz- neix, cingq dwg makgamgaet Yungzanh baenz sou, vunz ndaem mak dangdieg nyaengq sou、daeh、baen cang mak- gamgaet. Aen hawciengz gaicawx mak- gamgaet、dieg ndaem mak cungj dwg nyaengqnyatnyat.

Yungzanh Yen baengh deihleix daegbied dangdieg、gijndei dienheiq, aeu makgamgaet dangguh gij cujdauj canjnieb vut gungz baenz miz buet haeuj siujgangh daeuj guh, haenqrengz ndaem makgamgaet, saedhengz “suen makgamgaet fanh moux bak aen mbanj” bang vut gungz、densangh gaicawx bang vut gungz、gyagoeng makgamgaet bang vut gungz daengj “cib daih bang vut gungz hengzdoengh”. Seizneix, Yungzanh suen makgamgaet najdieg 16.7 fanh moux, baenz mak najdieg 11.6 fanh moux, sou ndaej 15 fanh dun、dij cienz 15 ik maenz. Doenggvaq ndaem makgamgaet, saedyienh daengx yienh 2.8 fanh gyaeujvunz gungzhoj vut gungz.

(Veiz Yungzginh/韦荣军)