Ndwen 12 ngoenz 1, aen cezmuz diuqfoux 《Yungjgi》aen cungsim son’gyauq yisuz diuqfoux ndokva dujduj senjsoengq haenx youq “gozyenzbeih” Cungzcoj Si gaiq nduj lwgnyez dungxcaiz doxdax loih diuqfoux 33 aen cezmuz camgya doxdax ndawde ndaej 9.718 faen faensoq ceiq sang.

“Gozyenzbeih” Cungz- coj Si gaiq nduj lwgnyez dungxcaiz doxdax daj ndwen 11 ngoenz 30 daengz ndwen 12 ngoenz 14 youq Ningzmingz Yen Gyanghbinh Vwnzva Gvangjcangz banh, doxdax faen loih ciengqgo、gyong laz gimz yienz、diuqfoux, gonqlaeng ginggvaq baenz gyoengq genjleh doxdax、cib ak doxdax caeuq gietsaiq sam duenh. Ndawde camgya loih ciengqgo、gyong laz gimz yienz baenz gyoengq genjleh doxdax miz 74 boux, camgya diuqfoux baenz gyoengq genjleh doxdax cezmuz miz 33 aen. Lwgnyez dungxcaiz doxdax youq mwh hawj bouxyawj gvaq yinx doengzseiz, hix langhbaij gij cingzgoj lwgnyez yisuz gyauyuz seizgeiz moq hawj ndawbiengz.

(Couh Yizgangh Loz Sienghyinz/周贻刚 罗湘云)