Lozcwngz dwg aen Mulaujcuz swciyen daengx guek dandog, hix dwg aen yienh cungdenj guekgya bang- gungz haifat. Aen yienh neix bya heu raemx saw， lijyouz swhyenz fungfouq, ndaej gyoengqvunz haenh baenz “aen Gveilinz iq”.

Geij bi neix daeuj, youq mwh vut gungz gunggeng, aen yienh neix cungfaen yungh ndei gijndei swyenz, baengh “Mulauj cien bi Lozcwngz gyaeundei” miz Mulaujcuz daegsaek haenx, yungh “dangjgen lenzgen daiq- lingx hwngfat、vunzguhnaz diegnamh haeujguj faenhoengz” daengj vunqsik, gviveh hwnjdin sang、maeuzveh gveihgwz sang、bued cienz lai， gaenx- maenx dajcauh buek dieggingj lijyouz gvaq ngoenzgyaj yenzswnghdai comz yawjngonz youqndwi、daejniemh vwnzva、damqyiemj lienhndang、ciengxndang youq itheij, haenqrengz hwngfat swnghdai lijyouz banggungz canjnieb, haenqrengz doicaenh daengx gizdieg lijyouz hwngfat, rengzrwd bangdoi vunzlai dangdieg laisou, bangrengz vut gungz gunggeng.

Ciuq cam rox, dan Swbaj Cin Menzvah Denhgwngh Gingjgih couh daiqdoengh daengz henzgyawj 23 aen mbanj 388 ranz 1670 vunz ndaej laisou(ndawde ranzgungzhoj 448 ranz 1700 lai vunz), hwngfat swnghdai lijyouzyez hai diuz roen baenz miz moq ndeu hawj vunzlai dangdieg vut gungz baenz miz.(Liu Gvanghfuz)