Mboengqneix, youq ndaw gaiq naz henzgyawj Linzyinz Yen Cazyangh Dadau vunz lai dangqmaz, ndaw naz gaemh bya、gaemh bit lix、vunz rag cae……doxdax hanghmoeg hingzsik lai yiengh, yienhciengz nauhyied raixcaix, neix dwg Gvangjsih gaiq daihngeih “ciet fungsou vunzguhnaz” nem Lingzyinz Yen gaiq daihhaj daengx guek seizdoeng caemx Dahswsuij “gyang raemx ciengj bit”“ciet fungsou” baenzdauq minzsuz vwnzva dijyuz doxdax hozdung yienhciengz.

Ngoenzhaenx, aen yienh neix banh aen yizsi haimuq baez minzsuz vwnzva dijyuz hozdung neix. Ciuq cam rox, hozdung guh song ngoenz; doxdax hanghmoeg baugvat youq gyang naz gaemh bya、youq gyang naz ciengj bit、youq gyang naz daeh namzgva daengj, 3000 lai vunz 50 aen doih daj Aen Hezvei Seizdoeng Dajcaemx Daengx Guek caeuq Lingzyinz bonjdieg daeuj haenx camgya doxdax.

(Veiz Fucwngh/韦付增)