Fwen Vahsengj Namzningz dwg cungj fwen youz Namzningz Vahsengj(Vunzseyenz) aeu Vahsengj ciengq haenx. De youq Namzningz Si caet aen cwngzgih、Hwngzyen、Binhyangz Yen、Lungzanh Yen caeuq Bwzswz Si、Cungzcoj Si daengj dieg cienzlah, daegbied dwg youq ranghdieg caeuq yienh henz Namz- ningz cwngzgih caeuq Hwngzyen Bwzhoz Cin、Majsanh Yangh daengj dieg miz lai lai.

Yienznaeuz fwen Vahsengj Namzningz dieg cienzlah gvangq dangqmaz, hoeng de daj ndawbiengz mizok, gij fuengsik swnjcienz daeuz de dwg youz vunz ndawbiengz cienz、aeu bakriuz, mbouj dwg cwngfuj guh、mbouj dwg ok saw geiq cienz, daihbouhfaenh baengh“bak son sim geiq”.

Vahsengj dwg Namzningz cungj Vahgun doj linghgag ndeu, fwen Vahsengj dwg cungj vwnzva fwen cojcienz Namzningz gag miz, seizneix gaenq miz cien bi nanz lo. Gyoengq- vunz gangj Vahsengj Namzningz haenx dang fwen Vahsengj baenz“haeuxgwn”, baengh bak son le daih dam daih swnjcienz.

Fwen Vahsengj neiyungz lai dangqmaz, gyoengqde depgyawj saedceij, depgyawj vunzlai, ngaih dingq ngaih rox, vah fwen seng- doengh lailai, vunz dingq le raen caensaed caeuq diepsim lai.

Fwen Vahsengj Namzningz ne neiyungz caeuq swhsiengj gamjcingz aeu vwnzva Bouxgun guhdaeuz, danhseih doenghgij daegdiemj、hingzsik haenx couh ciuq doenghgij daegdiemj fwen Bouxcuengh、Heiq- yezgi、Heiqbegvah, neix couhdwg miz gij doenghyiengh maenhndei Gun、Cuengh doxyungz.

Bi 2010, fwen Vahsengj Namz- ningz ginggvaq Gvangjsih Boux- cuengh Swcigih Yinzminz Cwngfuj doengzeiq, ndaej lied haeuj daihsam buek swcigih gaep feihvuzciz vwnzva yizcanj mingzloeg.