Geij bi neix daeuj, Denzlinz Yen gaenjndaet hopheux gij cawjdaez minzcuz “doengzcaez doxgiet haenq- guh, doengzcaez hoenghvuengh hwng- fat”, doed ok aeu swnjcienz minzcuz vwnzva dangguh gij rengz gyamaenh minzcuz doxgiet cinbu,

Guh ndei swnjcienz minzcuz vwnzva. Haenqrengz gungganq boux- vunz cienz minzcuz vwnzva, haibanh aen ban cienz son minzcuz vwnzva、aen dieg gangj hag, gapguh aen doih heiq、aen doih fouxnyenz, gonqlaeng banh aen ban son’gyauq fwen、 diuqfoux、Heiqcuengh daengj, doicaenh vah minzcuz、gofoux minzcuz haeuj hag- dangz. Haenqrengz hengzguh aen gunghcwngz hwnjguh gij ndei minzcuz vwnzva, netsaed gyagiengz baujhoh sawgaeuq、vwnzva bak cienz、gofoux minzcuz、dinfwngz ndawbiengz daengj minzcuz vwnzva yizcanj, Heiqcuengh Denzlinz、fouxnyenz Yauzcuz、Foux- buenzvuengz Yauzcuz、Bouxcuengh caeqbaiq Mehyauz daengj 27 aen hanghmoeg ndaej liedhaeuj feihvuzciz vwnzva yizcanj baujhoh mingzloeg.

Guh ndei gij vwnzva angqhoh ngoenzciet minzcuz. Baengh ciet yisuz Heiqcuengh “sam nyied sam Boux- cuengh·haeujgamj”、 “Bouxcuengh caeqbaiq Mehyauz” caeuq “fouxnyenz Yauzcuz” Lucwngz Yauzcuz Yangh、“dauq ranzmeh” caeuq “ciet fungsou” Lijcouh Yauzcuz Yangh daengj ngoenz- ciet conzdungj minzcuz, yungh banh doxdax ciengqgo “caemh sim coh dangj”, yungh fwen Cuengh、Gun、Yauz、Myauz daengj gak cuz vunzlai gyaez yawj haengj dingq haenx, cauh’ok gij heiqfaenh minzcuz doxgiet naekna.

Guh ndei dinfwngz conzdungj minzcuz. Aen yienh neix doenggvaq vatcimh gij cingsaenz neihanz minzcuz vwnzva、minzcuz fungcingz fungsug, coicaenh dinfwngz conzdungj caeuq canjnieb hwngfat doxyungz, guh ndei guh ak gij ndangdaenj Yauzcuz、gij siuq Yauzcuz、nyumx baengz Boux- cuengh daengj binjbaiz miz daegsaek haenx.(Dwng Veijsi)