Ndwen 11 ngoenz 17, youq Yungzanh Yen diegsenjyouq gyaranz laujyangh yungzcwngz 100 lai boux vunzlai gungzhoj doxcomz giz ndeu, cingq camgya aen ban son’gyauq dinfwngz guh beiz, aen ban neix dwg Gvangjsih Gvangjdungh doxgap guh. Mwh hwnjdangz, canghheiq Vangz Sozfuh fwngz gaem fwngz son caezgya guh beiz miz conzdungj vwnzva Cungguek haenx. Baez son’gyauq neix mboujdan fat- yiengz conzdungj vwnzva Cung- guek, youh doenggvaq cienz gij dinfwngz guh beiz, hawj vunzlai gungzhoj rox dinfwngz, gyalai bonjsaeh, laeb gij sim vut gungz duet mauh.

Ciuq cam rox, aen diegsenjyouq neix miz gyaeujvunz gungzhoj 9802 vunz, Yungzanh Yenveij、Yen Cwngfuj doenggvaq cauhlaeb aen suen iq、cehgenh iq、hawciengz iq, hawj vunz senjyouq ndaej couhnieb; lij doenggvaq giengzvaq cauhnieb、son’gyauq couhnieb caeuq Gvangjsih Gvangjdungh guhhong doxgap daengj, gaenq saedyienh 5233 vunz.

(Cinz Ginghoz Vei Gangh/覃庆和 卫 纲)