“Nanz lai mbouj ma Nanzmuz- vanh, gwnz roen an hwnj hulanz- ganh, laj deih caep bu roenrinbanj, byaij roen hwnjdaeuj sim vandiemz.” Ndwen 10 ngoenz 30, aen mbanj gaeuq conzdungj guekgya gaep、dieg geiq- niemh hungzginh cangzcwngh Swhyenz Yen Hozgouj Yauzcuz Yangh Cungh- bingz Cunh Mbanjbingzsuij diuz roen- rinbanj cienz daeuj sing fwen goksa, vunzmbanj Lauxveiz ok rog guhhong lai bi haenx baez dauq daengz mbanjranz, yawjraen gij yiengh mbanjranz “gingj- saek gyaeundei, vunz ndaw mbanj caeuq bouxhek lumj ranz vunz ndeu nei”, gag gikdoengh ciengq fwen hwnj- daeuj.

Neix dwg gij ndeiyawj Swhyenz Yen cauhlaeb aen yienh lijyouz Guengjsae miz daegsaek、haenqrengz doicaenh vwnzva lijyouz banggungz bangrengz vut gungz gunggeng. Mbanj- bingzsuij yungh gocazgeq naj ranz laeng ranz caeuq gij vwnzva miz Banzyauz daegsaek naekna, ndaej daengz cwngfuj sonyinx, doenggvaq banh ciet mbaet caz doicaenh “caz canjnieb+vwnzva+lijyouz” doxyungz hwngfat, seizneix gaenq baenz dieg guhyiengh lijyouz lajmbanj Yauzcuz daegsaek vwnzva Swhyenz Yen. Seizneix, aen mbanj neix 17 ranz ranzgungzhoj 66 vunz, gaenq vut gungz 13 ranz 51 vunz, bineix ceng- aeu cienzmienh vut gungz duet mauh.

Geij bi neix daeuj, aen yienh neix gaemdawz hwngfat seizgei, cingjhab angqhoh minzcuz yangh laebbaenz、angqhoh aen yienh laebbaenz、hwnjguh hawsingz lajmbanj yienghmoq、cinjcing banggungz daengj lai fuengmienh swh- yenz, ciuq dieg bae guh, doicaenh hwnjguh “lajmbanj saenqhwng·Mbanj- yauz gyaeundei”, youq aen haw guh dajcang、cang daeng、ndaem nywj ndaem va daengj, youq aen mbanj miz daegsaek guh “daenj buh daenj mauh”, hwnjguh camh youqndwi vwnzva. Ciuq gyoepsuenq, daj bi 2014 doxdaeuj, Hozgouj Yauzcuz Yangh gungh cingjhab bued roengz ngaenzcienz 2 ik lai maenz, saedhengz hwnjguh roenloh lajmbanj、gaij yiengh、hwnjguh giuz- bumz、hwnjguh vwnzva gvangjcangz、aen guenj geiqniemh hungzginh cangz- cwngh gvaq Mbanjyauz、swnjcienz hwngfat Fwenyauz swcigih feihvuzciz vwnzva yizcanj、hwnjguh vwnzva caeuq lijyouz lajmbanj hanghmoeg gungh 100 lai aen.

(Suh Siujginz Yangz Vuj)