●Ndwen 11 ngoenz 7, Denzdungh Yen Yihih Cin lienzhab Yen Yinzsegiz youq Banhlungz Cunh banh son dajndaem youzcaz. Boux- vunz gisuz dangciengz son dinfwngz guenjleix daj- ndaem youzcaz, son boux- hag ciuq gij saedsaeh daj- ndaem youzcaz senj dieg caeuq cingj dieg、senj cawx dinfaex ndei、raed nga coih nga daengj, hawj bouxhag hag rox dinfwngz dajndaem youzcaz.

(Nungz Giswnh)

●Mboengqneix, Denz- linz Yen Bazgvei Yauzcuz Yangh Cejdaz Cunh lai fuengmienh comz ngaenz- cienz, doenggvaq vunzmbanj hozcozse doengjit cawx bwnhfukhab daengj doxgaiq, fat hawj vunzlai daengx cunh mbouj sou cienz, bangrengz vunzmbanj laisou vut gungz. Hozdung ngoenzhaenx gungh fat bwnh 416 daeh ca mbouj geijlai dij 4 fanh maenz, leih daengz vunzlai 208 ranz 1300 lai vunz.

(Yangz Cinhungz)

●Geij bi neix daeuj, Denhngoz Yen laeb aen moegbiu hawj vunzguhnaz gyalai souhaeuj, mbouj- duenh gyagiengz hwnjguh nungzyez giekdaej sezsih, haenqrengz guh ndei hwnj- guh dieggoek haeuxgwn, gaenxmaenx doeksaed gak hangh cwngcwz leih daengz vunzguhnaz. Bineix dox- daeuj, aen yienh neix gaenxmaenx doigvangq ceh- faen ndei caeuq gauhyauz gungganq、niemh namh dwk bwnh daengj dinfwngz moq, gungh dajndaem haeuxnaz ndei 2.31 fanh moux.

(Banh Suhungz)

●Ginhsiu Yauzcuz Swciyen haiguh “mbouj lumz goeknduj、geiqmaenh sawjmingh” cawjdaez gyau- yuz doxdaeuj, daengx yienh gak gaep dangjcujciz doeng- gvaq saekhoengz sonhag、dangjgo bouj hag、veihsin gunghcunghau doisoengq hag daengj fuengsik net- saed haiguh cawjdaez gyau- yuz, caenh’itbouh daezsang ngeixnaemj roxyiuj, giengz- vaq lijlun vujcangh.

(Cinz Haijyen)