Fwenliuhhouz Yauzcuz youq Fuconh Yauzcuz Swciyen ndawde ranghdieg baihbaek couhdwg Cauz- dungh Cin、Mwzlingj Cin、Gwzboh Cin daengj cienzlah lai, aeu vahdoj Vahgun couhdwg“Vahcizduh”“Vah- bazduh”eu; daihbouhfaenh dwg fwenyoux. Moix hot fwen coenz doeksat gingciengz miz sing“liuh- houzleh”, neix vunzbiengz couh heuhguh“fwenliuhhouz”.

Fwenliuhhouz Yauzcuz ndawde neiyungz lai dangqmaz, youq giz mbouj doxdoengz couh eu fwen mbouj doxdoengz, neix couh lumj gak souj yinhyoz youh doxrangh youh doxlienz. Doenghgij fwen neix miz fwenguhhong、fwenfungsou、fwen- gingqlaeuj、fwen dauhleix couxbawx haqlwg、fwen Buenzvuengz daengj. Youq dangdieg, baez daengz ngoenz- ciet roxnaeuz doengh ngoenz coux- bawx haqlwg guhlaeuj cingjhek、hengz dauhleix doxgyau daengj seiz vunzlai doxcomz guh hozdung, saisai mbwkmbwk cungj maij eu fwen- liuhhouz, daegbied dwg bouxcoz guhyoux ra youx, gyoengqde maij guh fwenliuhhouz doxgyau. Baez daengz doengh ngoenz angq couxbawx haq- lwg, cungj aeu fwenliuhhouz daeuj lwnh gij cingz nemgyawj caencik caeuq cingz gyaezmaij saedceij. Doenghgij fwen neix, hawj vunzlai sim’angq ndang soeng, youh haenh vunz hengz ndei, son’gyauq dauhleix cojcienz Yauzcuz.

Cungj fwen neix ne, yienghsing eu miz cungj sing dog roxnaeuz song cungj sing, vanzlij caemh heij doengz sat. Vah fwen aeu caet cih seiq coenz、haj cih seiq coenz gyoebbaenz lai, hix miz caet cih roek coenz、caet cih bet coenz, danhseih cungj deng ciuq vah dangdieg haeujyinh. Fwen singdog ndawde vah fwen ne youz canghfwen dangciengz bien baenz lai, neiyungz lai cungj lai yiengh, miz daegsaek Yauzcuz dangdieg lailai bae.

Bi 2010, Fwenliuhhouz Yauzcuz ginggvaq Gvangjsih Bouxcuengh Swcigih Yinzminz Cwngfuj doengz- eiq, ndaej lied haeuj daihsam buek swcigih gaep feihvuzciz vwnzva yizcanj mingzloeg.