Ndwen 10 ngoenz 26 banhaemh, Lungzlinz Gak Cuz Swciyen vunzlai Myauzcuz ciengqgo diuqfoux angqhoh Lungzlinz Myauzyozvei banh gaiq nduj doxdax fouxgvangjcangz.

Haemhhaenx, daengx yienh 6 aen nga Myauzcuz 14 aen doihdaiqbiuj camgya baez doxdax neix, doenggvaq doxdax, 《Dujcaij Mbinfoed》(Benhmyauz) ndaej mingz daih’it; 《Haemhneix Fwenmyauz Ceiq Lai》 (Benh- myauz)、《Gij Gyaez Youq Ciet Diuqbo》(Hungz- douzmyauz) faenbied ndaej mingz daihngeih; 《Seizcin Bya’myauz》(Cinghsuijmyauz)、《Fwen Couxhek Mbanj- myauz》(Hungzdouzmyauz)、《Fwen Couxhek Mbanj- myauz》（Su’myauz） faenbied ndaej mingz daihsam, gizyawz 8 aen doihdaiqbiuj ndaej ciengj maenhndei.

Ciuq cam rox, baez doxdax neix muzdiz dwg nyinhcaen gvancez doeksaed gij yiyi youqgaenj vwnzva gagsaenq Siz Ginbingz cungjsuhgi, bangdoi vut gungz gunggeng, hoenghvuengh minzcuz vwnzva yisuz, fungfouq gij cingsaenz vwnzva ndwenngoenz vunzlai, hawj gyoengq bouxgyaez diuqfoux doxhag doxgyau, doidoengh daengx biengz beksingq lienhndang cangqheiq hwngfat, cungfaen langhbaij gij yiengh- siengq moq vunzlai seizdaih moq.

(Yangz Dwnghliengz/杨登良)