Ndwen 10 ngoenz 24 banhaet, Cunghgoz Minzcuz Yijvwnz Fanhyizgiz 30 lai vunz , youz Lij Yuzlen 、 Ginh Yinghgauj song boux fugizcangj daiq- lingx bae Gvangjsih Sawcuengh Hagdangz diucaz yenzgiu Cuengh Gun fanhoiz yinzcaiz gungganq cingzgvang.

Doengh boux lingjdauj caeuq bouxfanhoiz lauxhangz Cunghgoz Minzcuz Yijvwnz Fanhyizgiz camgya baez diuyenz hozdung neix itgungh miz Mungz、 Cang、 Veiz 、Hah、Cauz、Yiz、 Cuengh 7 aen vwnzsiz. Gvangjsih Sawcuengh Hagdangz Loz Gvangjyih suhgi caeuq Veiz Souvwnz fuyau- cangj 、 Dwngz Mingzsinh diuyenzyenz caeuq hagdangz mbangj boux lauxsae Sawcuengh camgya diuyenz hozdung. Youq gwnz aenhoih diuyenz neix, Dwngz Mingzsinh diuyenzyenz dawz hagdangz fazcanj bienqvaq、 Cuengh Gun yinzcaiz gungganq、dangqnaj hagdangz fazcanj bungzdaengz gij seizgei caeuq gunnanz, gij maq- muengh hagdangz swnggaep fazcanj daengj geij aen fuengmienh lwnh hawj diuyenzcuj nyi. Lij Yuzlen fugizcangj dawz ndaw giz doengh gij ciznwngz fanhoiz、 yenzgiu、 yenzgiu haifat daengj gaisau hawj gyoengq lauxsae nyi, caemhcaiq maqmuengh gyoengq lauxsae lumj doenghbaez ityiengh haeujsim 、 cihciz gij hong fanhoiz Cunghgoz Minzcuz Yijvwnz Fanh- yizgiz. Doeklaeng, Ginh Yinghgauj fugizcangj daibyauj ndaw giz soengq 10 dauq yonjgen Sawcuengh ndaw danhvei haifat haenx caeuq 600 lai cek saw soengq hawj hagdangz.

(Lanz Siujyinz raiz Dwngz Mingzsinh ingjsiengq)