Ndwen 10 ngoenz 10 banhaemh, Nanzningz Swhfan Dayoz Bouxcuengh Vwnzva Hezvei youq laeuzciyenh gyausiz 405 gawjhengz aenhoih veiyenz doxraen caeuq aen yizsi venjbaiz bouxgagnyienh hozdung. Nanzningz Swhfan Dayoz Codaengj Gyauyuz Yozyen fuyencangj Loz Yiyenz、Codaengj Gyauyuz Yozyen fujdaujyenz Lij Yinh、Veiz Vwnzbingz, Codaengj Gyauyuz Yozyen hagseng daibyauj caeuq 19 gaep veiyenz daibyauj camgya baez hozdung neix.

Baez hozdung neix gaisau gij ciznwngz guhhong aen hezvei neix hawj caezgya, hawj caezgya engq rox gij hong mizgven aen hezvei neix. Baez hozdung neix mboujdan miz ligliengh moq gyahaeuj, lij ndaej haenqrengz fazyangz gij cingsaenz caeuq vwnzva Bouxcuengh.

Doeklaeng, Loz Yiyenz doiq baez hozdung neix guh cungjgez, de naeuz gij youqgaenj lienzhaeh Bouxcuengh Vwnzva Hezvei aen hagdangz neix caeuq hagdangz wnq; lij naeuz gij vwndiz seizneix miz haenx, genyi veiyenz aen hezvei neix wnggai “byaijok bae” lai yawjyawj, doengzseiz naeuz le gij genyi guhlawz bae cienzciep ndei vwnzva Bouxcuengh.

(Cinz Meijgyah Sung Ciuhlinz Loz Yungj Cinz Yaujyinz Cinz Lingzyen /覃美嘉 宋秋霖 罗 永 岑晓耘 陈灵燕)