Ndwen 10 ngoenz 11 banhaemh, Aen Duenz Gofoux Minzcuz Cungh- yangh 《Minzcuz Ranz Vunz Ndeu·Byaij Haeuj Dwzbauj》 camnai yienjok youq Dwzbauj Yen Dijyuzgvanj yienj, yienj ciengz heiq gig miz minzcuz daegsaek ndeu hawj vunzlai dangdieg yawj. Doengzseiz hix vih aen yienh neix angqhoh Cunghvaz Yinzminz Gung- hozgoz laebbaenz 70 hopbi hozdung gyalai le haujlai angqyangz.

Hozdung youz 《Yamq Foux Angqyangz》hainduj, riengz dwk “aen funghyozdonz haj saek” youz gimz- gyaeujmax、gyongfwngz、duhdajwz、aigezgwz、gimzgyahyeh 5 loh gyong laz gimz yienz minzcuz vunznoix gapbaenz neix caeuq dienhsing yozdui yienj 《Youq Dieg Gyae’gyang Haenx》 daengj go yaem’wenq gyaeundei、daegsaek yienhda, lijmiz canghgo Cauzsenhcuz Ben Yinghvah 《Dah Sausien Ginhdazlaiz》, canghgo Boux- cuengh Muz Linzlinz gagciengq 《Bae Haw Dauqma Ahlili》, canghgo bouxcoz Cangcuz Ahvang 《Diuzgo Ceiq Gyaeu Ciengq Hawj Doxmeh》《Cozmaj》, canghgo Cauzsenhcuz、bouxyienj itgaep guekgya Lanz Gen 《Cunghvaz Ranz Vunz Ndeu》 《Gikleih Vuenyungz》……Yienjok ndeiyawj, ndaej daengz boux- yawj yienhciengz dopfwngz haenh.

Ciuq cam rox, baez neix Aen Duenz Gofoux Minzcuz Cunghyangh bae Dwzbauj Yen haiguh roengz mbanj yienjheiq dwg hangh gunghcwngz leih lwgminz youqgaenj Guekgya Minzveij bangfuz Dwzbauj Yen ndeu, muzdiz dwg senhconz minzcuz cwngcwz dangj caeuq guekgya、cienzndenq gij raeuj dangj caeuq guekgya、coicaenh gak minzcuz doxgyau dox baedauq dox- yungz, vih dieg minzcuz、 dieg gungz- hoj dwkhingz vut gungz gunggeng、cienzmienh hwnjguh aenbiengz siuj- gangh gya rengz.

(Nungz Yungjfang)