●Ndwen 10 ngoenz 11, Lozcwngz Mulaujcuz Swciyen youq Mulaujcuz Heiqyienh banh angqhoh Cungguek moq laebbaenz 70 hopbi caeuq seizdaih moq vwnzmingz saedguh hozdung “gou caeu guekcoj gou”——hoih doeg sei mbouj lumz goeknduj. Hoih doeg sei yungh sei guh moiz、yungh sei cienz cingz, yungh gij yinxdaeuz sing’yaem, hohfuk Cungguek moq laebbaenz 70 hopbi.

(Luz Ciuhyinz)

●Bineix doxdaeuj, Lozyez Yen gyalai baujhoh “makmizhouzdauz Lozyez” binjbaiz, giethab saed- saeh, mboujduenh gyagiengz guenjleix 29 aen hozcozse makmizhouzdauz aeu ndaej gij gienz geiqhauh cienyungh haenx yungh geiqhauh cingzgvang. Daengz ndwen 9 ngoenz 25, “makmizhouz- dauz Lozyez” binjbaiz bang- rengz aen yienh neix hwnj- guh baenz 4 aen suen mak- mizhouzdauz, leih daengz 9600 ranz ranzgungzhoj, rengzrwd doidoengh cinjcing vut gungz.

(Loz Cinghcingh)

●Bineix doxdaeuj, Vanzgyangh Mauznanzcuz Swciyen gaenxmaenx lienz- haeh youzcwng giyez, yungh gwnz muengx hawciengz siugai doxciep caeuq gijndei bingzdaiz doigvangq giyez, mboujduenh gya’gvangq diuzroen gai doxgaiq reihnaz. Youzcwng giyez ciuq hangz- gyaq soucawx doxgaiq reih- naz, caemhcaiq daengzdieg mbaet aeu couh fatsoengq, bang gyoengq vunz ndaem mak gai mak, gaijgez gij youheiq gyoengqde.

(Veiz Yui)

●Ndwen 10 ngoenz 12, Ginhsiu Yauzcuz Swciyen Luzhang Yangh haiguh “fwngz hung daz fwngz iq, doi sezgyau” hozdung. Doenggvaq dangciengz gangjgej anqlaeh、fat ceksaw senhconz、baij cihsiz canj- banj daengj hawj hagseng caeuq bohranz, hawj hagseng caeuq bohranz roxyiuj gij sienghaih sezgyau, gagrox lizgyae sezgyau, daeqceih sezgyau、doi sezgyau.

(Gauh Yuzginh)