Ndwen 10 ngoenz 5, gyoengq beixnuengx Yauzcuz Ginhsiu Yauzcuz Swciyen youq vwnzva gvangjcangz ndaw yienh banh gij hozdung “ciet goengdaek” bi gvaq baez haenx. Ngoenzhaenx, yienhsingz roq gyong roq laz, vunz lai vunz daih, baenz cien boux vunz Yauzcuz ndang daenj buhvaq minzcuz youq gai yienhsingz cunzyouz, langhbaij gij vwnzva Yauzcuz gyaeundei lai yiengh, caez gangj fungsou, caez hoh guekgingq、angqyangz gvaq ciet goengdaek, yinx ndaej haujlai bouxhek daeuj yawj.

Yauzcuz “guh goengdaek”, muzdiz dwg sonyinx vunzmbanj ciuq ndawbiengz daudwz funghsang, aeueiq bouxgeq gyaez lwgnyez、doxgiet doxbang、gyaez bang bouxwnq, son vunz guh ndei. Vunzlai Yauzcuz dangdieg doenggvaq camgya “guh goengdaek” hozdung, doxcienz saenqsik, doxgyau gij gingniemh guhhong, guh baengzyoux ndei, swnjcienz gij vwnzva minzcuz, fatyiengz guh ndei, gouzmbaenj haeuxgwn fungsou, doenghduz ciengx ndaej lai、gekleiz baenzhoz、 youq ndei gwn van.

Seizneix, “ciet goengdaek” Yauzcuz gaenq baenz gij gingjsaek gyaeundei Ginhsiu vwnzva lijyouz, binaengz yinx ndaej bouxhek gak dieg daeuj yawj, bangrengz dangdieg lijyouz hwngfat caeuq lajmbanj vwnzva saenqhwng.

(Gauh Yuzginh/高如金)