Ndwen 9 ngoenz 21, youq Lungzswng Gak Cuz Swciyen Lungzciz Cin Majhaij Cunh, vunzlai Boux- cuengh cingq dak doxgaiq. Mboengqneix, Lungzswng Gak Cuz Swciyen Lungzciz Cin Majhaij Cunh daengz seiz dajsou, vunzlai dangdieg youq dieg dak doxgaiq aeu lwgmanh、haeuxyangz、haeuxnaz daengj doxgaiq reihnaz sou ndaej haenx gap baenz doz, veh ok fuk veh seizcou dak doxgaiq ndeu, yungh gij fuengsik daegbied neix angqcoux Cunghvaz Yinzminz Gunghozgoz laebbaenz 70 hopbi.

(Banh Cisiengz/潘志祥)