Vih caenh’itbouh gvancez doek- saed 《Aen Diuzlaeh Hong Saw Vah Minzcuz Vunznoix Gvangjsih Boux- cuengh Swcigih》, cauh’ok gij heiq- faenh ndawbiengz naekna, bineix doxdaeuj, Denhdwngj Yen gaenxmaenx cauhmoq guhhong fuengsik, cawz doenggvaq yaenqfat swhliu、denswj bingzmu daengj lai cungj caidij gvangqlangh haiguh vut gungz gung- geng、dwk cawz bangvunz simnduk senhconz hozdung le, Denhdwngj Yenveij Senhconzbu、Denhdwngj Yenveij Dungjcanbu、Denhdwngj Yen Minzcuz Cunghgyau Fuzvu Cungsim daengj bouhmonz gaenxmaenx boiq- hab, cawjdoengh guh, cungfaen leih- yungh gij daegdiemj caeuq gijndei Vahcuengh senhconz bienhleih hag ngaih rox ngaih, youz Denhdwngj Yenveij Senhconzbu fucwz senjleh neiyungz byauhyij、doeksaed ngaenz- cienz daengj saeh ciengzsaeq, Denhdwngj Yenveij Dungjcanbu、Denhdwngj Yen Minzcuz Cunghgyau Fuzvu Cungsim fucwz fanhoiz Sawcuengh、 dawzgvan, guh “song vah senhconz byauhyij”, cuengq ding youq ndaw singz henz roen Roenhozbingz、Roendenhbauj、Roendenhdauz daengj diuzroen. Mbaw doz “song vah senhconz byauhyij” guh moq haenx, gezgou moqsag、guh ndaej ndei, daegsaek yienhda, cawz yungh Cuengh Gun song cungj saw le, lijmiz geizguek、Laeuz Denh’anhmwnz daengj yenzsu gozbyauh caeuq yenzsu Bouxcuengh lwgmanh dingjmbwn Denhdwngj dem, neiyungz nangqdaengz vut gungz gunggeng、dwk cawz bangvunz sim- nduk daengj.

“Song vah senhconz byauhyij” hawj vunzlai lai roxyiuj, diuhdoengh vunzlai gaenxmaenx caeuqfaenh gak loh hong, comz rengz vut gungz, bangrengz gak loh hong, hong vah minzcuz gyalai diemjrongh moq.

(Vangz Souciz)