Cungj mbouj doekdingh neix hawj de gig simnyap. De ciuqgoq Daegminz bet bi, moix baez cungj bang de sousib ndaej seuqsetset, de gaenq mbouj ndaej nyaenx swhgeij lujlaj saek di. De hixnaengz beng roengz mbaw sujbaq goemq youq gwnz naj swhgeij, yawjraen duenhlaj ndang Bohminz lij caengz uet seuq caez aenvih lwgda de cwgoemq dwk, hix raen gienhhuq Bohminz unqnemnem boemz youq, lumj duz non hung ninz youq ndaw cazrum. De sikhaek daegdaengq cienq naj gvaqbae, dawz mbaw sujbaq swhgeij daj gwnz naj beng roengzdaeuj goemq duzde. Baezneix, de raen fajnaj Bohminz cienq coh baihndaw mbonq gaenq raemxda doekswdswd.

Ginjsiu mbouj leix de, cinjdeng dwk naeuz de mbouj rox baenzlawz bae nai de, hixnaengz couh mbouj naeuz, laebdaeb uet duenhlaj ndang de. Ginjsiu youh riuj doengj raemx ndat ndeu daeuj dauqdaej uet duenhlaj ndang Bohminz seuqcingh le, daj aen ngaeuvenj gwnz ciengz aeu geu vaq Bohminz yawhbwh hawj de daenj. De daix diuz ga Bohminz hwnjdaeuj, sonx haeuj diuz ga vaq ndeu, youh daix lingh diuz ga, sonx haeuj lingh diuz ga vaq ndeu bae. Cingq youq de gaem geu vaq Bohminz rag doxhwnj seiz, raen baihlaj mbaw sujbaq de lumjnaeuz miz gijmaz doxgaiq cingq doenghnyetyet. De ngaezngwd yaep ndeu. Caj de singjswd seiz, hai din couh buet ok rog dou bae, ca di couh bungqdeng Daegsungh ngamq haeuj dou daeuj haenx.

Baenzlawz la? Ginjsiu. Daegsungh yawj baih- laeng Ginjsiu gig doeksaet cam naeuz. Hoeng Ginjsiu gyaeuj hix mbouj nyeux coh lajbo buet bae. Daegsungh byaij haeuj dou ranz, Bohminz engqgya najmong yaek dai, nyaenx mbouj ndaej ndaq naeuz: Gvaiq ndaek doxgaiq hab dai neix mbouj dingq vah, hawj gou dai bae suenq lo.

Daegsungh lumjnaeuz rox gijmaz lo, hix ganjgip buet ok rog dou bae, coh aen ranz swhgeij hemq mehyah ranz de, heuh de vaiq di hix buet roengz laj bo bae yawjyawj, lauheiq Ginjsiu dwg buet daengz henz dah bae lune, cix ciengeiz gaej ok gijmaz saeh. Mehyah Daegsungh dingqdaengz Daegsungh gipmuengzmuengz hemqsaengsaeng, couh damz- bedbed daj ndaw ranz byaij okdaeuj: Mwngz hemqsaengsaeng guh gijmaz, feiz coemh ranz la? Daegsungh naeuz, beij feiz coemh ranz lij haenq. Daegsungh genjdanh lwnh mehyah saehcingz le, mehyah lumjnaeuz lij dauqngeix gijmaz, Daegsungh couh haenqrengz nyoengx de baez ndeu, vaiq bae! Mehyah Daegsungh deng nyoengx baez neix, hix swnh aen fuengyiengq Ginjsiu buet bae lo.

Daegsungh dauq daengz henz mbonq Bohminz, hix mbouj gangj vah, mbouj dwen saek coenz bang de daenj vaq. Daegsungh rox, seizneix mwhneix, de gangj gijnaz roxnaeuz cam gijmaz cungj mbouj habngamj. Bouxsai laux ndeu maiq youq baenzlai bi, lijcaengz daengz 60, sawqmwh deng mehmbwk hauxseng 30 lai bi bungq, mienx mbouj ndaej miz di fanjwngq. Daegsungh youq ndaw hoz miz di simrwix caeg’angq, danghnaeuz Bohminz mbouj dwg banlaux swhgeij, cix dwg doengzban roxnaeuz bannomj, seizneix de haengjdingh dawz de daeuj gangjriu, haengjdingh gangjbaeh naeuz: Baenz a mwngz, byongh ndang mauhfung doekgyad, laux- ngeih mbouj gyad a?

Bohminz lumjnaeuz guhnyah nei, naeuz, Sungh, mwngz gaenx gou dai luba?

Daegsungh naeuz, gangjriu, gou gaenx mwngz dai bae gou lij ndaej youq ma? Caiq naeuz lo, mwngz dwg boh’au gou, youh mbouj dwg bouxcaeuz gou.

Bohminz cam Daegsungh, mwngz naeuz, Ginjsiu lij guenj gou dem lwi?

Daegsungh naeuz, gou yawj lij guenj.

Bohminz lumjnaeuz mbouj saenq, cam, caen bw?

Daegsungh hamzhuz han naeuz, w.

Daegsungh dauqdaej lij dwg nyaenx mbouj ndaej lo, naeuz, au, gangj coenz vahsaed ndeu, mwngz dwg mbouj dwg ndawsim miz gijmaz siengjfap, doiq Gingjsiu gangj le gijmaz vah mbouj hab gangj?

Bohminz naeuz, lwgndai mwngz, gou dangh- naeuz mbouj dwg ning mbouj ndaej, couh haenqrengz dik mwngz mbat din ndeu. Mwngz yawj au mwngz mbouj lumj boux vunz ndeu la, dwg mbouj dwg? Ginjsiu de dahbawx ndeu, ndaej hawjnaj bang gou swiq ndang vuenh buh, gou cawzliux najmong caeuq gamjdoengh, lij ndaej miz gijmaz siengjfap? Cij dwg bonjnaengz fanjwngq habdai sat lo.

Daegsungh dingq daengz gizneix, riunyaen lo.

Ginjsiu naengh youq henz raemx, muenghyawj diegraemx caemdingh gizgyae. De mizdi moengz- loengz, youh lumj dwg ngunhruz lo. De ndwn youq gwnz ruz, Daegminz hai aenruz caizyouz gihdung cingq baenaj.

(5)

这种不确定感让她很抓狂。她照顾了阿民八年，每次都把他拾掇得干干净净的，她已经不能容忍自己有半点马虎潦草。她一把扯掉了蒙在自己脸上的毛巾，看到了卜民裸露的下半身还没完全被蒙住了眼睛的她抹干净，也看到了卜民的那个物件软绵绵地匍匐着，像躺在草丛里的一只大虫子。她立刻下意识地别过脸去，把自己从脸上扯下的毛巾覆盖住了它。这一回，她看到了卜民侧往床里头的脸庞已是泪雨滂沱。

锦绣没理他，准确地说她不知道该怎么来安慰他，干脆就不说，继续擦拭他的下半身。锦绣又提来一桶热水终于把卜民的下半身擦拭干净后，从墙上的挂钩上取下卜民的一件裤子准备给他穿上。她抬起卜民的一条腿，套进一只裤腿，又抬起另一条腿，套进另一只裤腿。正当她抓着卜民的裤头往上拉的时候，看见她的那张毛巾下似乎有什么东西在动。她愣怔了一下。等她回过神来，拔腿就冲出了门外，差一点就撞上了进门来的阿松。

怎么了？锦绣。阿松看着锦绣的背影愕然问道。锦绣却头也不回地向坡下跑去。阿松进门去，看到卜民光着下身躺在床上，似乎有硬物在顶着那张遮羞的毛巾。看见阿松进来，卜民更加羞愧难当，忍不住骂了一句：都怪这该死的东西不听话，让我死了算了。

阿松似乎明白了什么，也急忙跑出门外，冲着自个儿的屋子喊自家的女人，叫她快点也跑下坡去看看，锦绣怕是跑到河边去了呢，可千万别出什么事。阿松的女人听到阿松火急火燎地叫喊，就嘟嘟嚷嚷地叫着从屋里走了出来：你叫嚷个什么啊，火烧房子啦？阿松说，比火烧房子还严重。阿松简单把事情跟女人说后，女人似乎还在回味着什么，阿松就猛推了她一把，快去！阿松女人被这一推，也顺着锦绣的方向去了。

阿松回到卜民的床边，也不说话，只默默地帮他把裤子穿上。阿松知道，此时此刻，他说什么或者问什么都是不合时宜的。一个鳏居多年的老男人，还不到六十，突然之间被一个三十来岁的年轻女人触碰到，难免会有所反应。阿松在心里不怀好意地偷乐着，如果卜民不是自己的长辈，而是自己的同辈或是晚辈，此刻他准会拿他开玩笑，准会揶揄他：行啊你，半边身子中风偏瘫，老二没偏瘫啊？

卜民像是赌气似地，说，松，你把我掐死了吧？

阿松说，开玩笑，我把你掐死了我能活吗？再说了，你是我叔，又不是我仇人。

卜民问阿松，你说，锦绣还会管我吗？

阿松说，我看会。

卜民似乎不相信，问，真会？

阿松含糊地应道，嗯。

阿松到底还是忍不住了，说，叔，说句实话，你是不是心里有什么想法，对锦绣说了什么不该说的话？

卜民说，你个野崽，我要不是动不了，非狠狠地踢你一脚不可。你看叔不像个人了，是不？锦绣她一个儿媳妇，能拉下脸面来帮我换洗，我除了羞愧与感动，还能有别的什么想法？只是该死的本能反应了嘛。

阿松听到这里，吃吃地笑了。

锦绣坐在水边，望向远处的平静水域。她有些恍惚起来，像是晕船了。她站在船上，阿民驾驶着柴油机动船在前行。

(5)