Denzyangz Vangz Vwnzsiu,

Sim ciuq dangj gangj vah,

Naekcingz vih daihgya,

Ra roen fouq mbouj dingz.

Vangz Vwnzsiu baenzsau,

Youh mbouj lau sinhoj,

Mbouj lumz aen sim co,

Itloh gaen dangj byaij.

Ngoenzde fwn doek naek,

Roen deng saek liuxnauq,

Vwnzsiu ganj doxdauq,

Mbouj lau yiemj lau dai.

Doegsaw youq Baekging,

Ndawsim naemj mbanjranz,

Vih dieg gungz lwglan,

Haeujsim ganq ce ndok.

Vwnzsiu vunz mbouj youq,

Aen sim byouq liux caez,

Daj ngoenzneix doxbae,

Daej dai vunz mbouj dauq.

Vwnzsiu vunz bae laj,

Hoeng coh lah daengx biengz,

Oiq ngeix laux hix siengj,

Hoenz riengz de bae gyae.

Vwnzsiu cingsaenz ndei,

Caux leix hawj vunz lai,

Raeuz mehmbwk bouxsai,

Daihgya daeuj hagsib.

Vwnzsiu guh saeh gaenx,

Caensim vih bouxwnq,

Bouxhoj ndaej miz gwn,

Guek cij mwn cij hoengh.

Hag Vwnzsiu cingsaenz,

Gaen dangj byaij baenaj,

Bouxboux okrengz ma,

Vih guekgya fouqgiengz.