Bineix dwg Cunghvaz Yinzminz Gunghozgoz laebbaenz 70 hopbi, vih haeujlaeg hagsib hengz ndei Siz Ginbingz cungjsuhgi gij cingsaenz lwnhgangj youqgaenj gvendaengz hong minzcuz, guhmaenh daezswng Namz- ningz Si gij cwngzgoj singz guhyiengh minzcuz doxgiet cinbu, 9 nyied 12 hauh banringzgvaq, Namzningz Si Minzcunghveij youq Namzningz Gvangjbo Densidaiz yenjbohdingh banh le “Sigloux Va Hai Ceh Got- ndaet, Doengzsim Caez Caep Loq Cungguek — Angqhoh Cunghvaz Yinzminz Gunghozgoz Laebbaenz 70 Hopbi Minzcuz Doxgiet Cawjdaez Hozdung”. Si minzcuz gunghcoz lingj- dauj siujcuz cwngzyenz danhvei faenguenj lingjdauj caeuq cizgungh daibyauj, gak yienh gih dungjcanbu (minzcunghgiz) lingjdauj, gij danhvei guhyiengh、minzcuz doxgiet cinbu mozfan danhvei caeuq bouxgag daibyauj aeundaej daengx guek、swcigih、Namzningz Si minzcuz doxgiet cinbu cauxlaeb hozdung haenx, cunghgyaugai daibyauj daengj baenz 400 vunz yienhciengz yawjngonz yienjheiq.

Cawjdaez hozdung aeu gagciengq、gofoux、doegsei、baijyienj ndangdaenj minzcuz、sinbinz dinj、saveh biujyienj daengj hingzsik, ndeindiq yienh’ok le gij yiengh ndei Cungguek moq laeb- baenz 70 bi gvaqdaeuj Namzningz ginghci、sevei、vwnzva hwngfat aeu- ndaej bienqvaq hungloet caeuq daengx si gak cuz yinzminz doxgyaez lumj ranz vunz、doxdep caez doxbang, huzndei caemhyouq、doxbang dox- coengh haenx, gikleih daengx si gak cuz yinzminz doengzcaez coenghrengz hong minzcuz doxgiet, caepmaenh Cunghvaz minzcuz dox caemhdoengz yisiz, gyalai doxlieb doxgyau dox- caeuq, lumj ceh maksigloux nei doxgot ndaetndiq youq giz ndeu, doengzcaez bae raiz biencieng moq huzndei minzcuz doxgiet cinbu, hawj dujva minzcuz doxgiet youq singz Namzningz hoengh hai mbouj byaiz.

Baez hozdung neix doenggvaq Namzningz Gvangjbo Densidaiz “Namzningz Diuznduj” gwzhuduenh caeuq sinhvwnz cunghhoz binzdau guenfueng veihsin bingzdaiz caemh- seiz cigboq, hawj daengx si gak cuz yinzminz ndaej yawj cit heiq minzcuz doxgiet cinbu ndeiraeuh ndeu.

(Yenz Gingbingz/颜庆平)