Aen vwndiz neix geujhot de gaenq mbouj cij baez ndeu song baez lo. Daj Bohminz doekgyad youq ndaw mbonq le, de ca mbouj lai ngoenzngoenz deng de geujhot. Moix baez deng geujhot, de cungj yungh caenh banhfap vih swhgeij gouzgaij, hoeng cungj dwg mbouj miz gezgoj. Seizneix, de mbouj siengj deng aen vwndiz neix geujhot dem lo, de haenqsim mbouj caiq cuengq youq ndawsim. Dangqnaj ceiq youqgaenj dwg, de yaek ndeindei ngeixngeix, wnggai baenzlawz bae bang Bohminz uet ndang? De mbouj dwg lau gyuek lau haeu. Ciuqgoq Daegminz bet bi, de gaenq sibgvenq lo, engqlij ndaej naeuz dwg suglienh dangqmaz. De yieplau najdoiq dwg, aenndang lohlangh Bohminz. Gaxgonq, cungj dwg song dahcej bang Bohminz uet ndang, gyoengqde dauqbae le, de couh mbouj ndaej mbouj guh lo. Ngeix daengz gizneix, Ginjsiu laepda hwnjdaeuj, simnyap dwk aeu song fwngz gaeugyaeuj nyotnyot. De lumjnaeuz siengj baengh gijneix baetduet deuz sojmiz saehcingz. Hoeng, baenzlawz ndaej, hix couh youq de caiq baez byaengqda yaepyet seiz, aen siengjfap ndeu sawqmwh okyienh youq ndaw ukgyaeuj de, hawj de loq mizdi vuenheij. Vuenheij gvaqlaeng, de laepda hwnjdaeuj, ietfwngz bae lumh aen facauq gwnz saeuq, cinjdeng lumh daengz aenrwz cauq. De daekeiq dwk riunyumj, hai da, giz aencauq caeuq aenfa giethab, giet ok geij caek raemx ndatfoedfoed, couh lumj gij raemxda haxbaenh de, de rox, raemx ndaw cauq gaenq gaeuq ndat lo.

Ginjsiu riuj doengj raemx ndat ndeu daengz henz mbonq, naeuz, daxboh, raemx ndat daengz lo, gou bang mwngz uet ndang.

Bohminz mbouj lingx cingz de, rongx naeuz, gou mbouj yungh mwngz daeuj guenj, deuz! Youzcaih gou dai roxnaeuz lix. Gou dai le mwngz heuh vunz ram gou bae haem couh ndaej lo.

Ginjsiu mbouj leixlangh de, nyeuxgyaeuj aeu mbaw sujbaq Bohminz caeuq mbaw swhgeij venj youq gwnz ciengz.

Ginjsiu najdoiq Bohminz ninz youq gwnz mbonq ndwn ndei, vut mbaw sujbaq Bohminz roengz ndaw raemx ndat aen doengj henz din de, ciep dwk aeu mbaw sujbaq swhgeij goemq song lwgda swhgeij, lij youq baihlaeng gyaeuj cug lwghot ndaetndet. Bohminz rox Ginjsiu yaek guh gijmaz, de ciedmuengh haenqrengz ngauzgyaeuj, mbouj naihfanz hemq naeuz, gou mbouj hawj mwngz guenj, mwngz deuz bae! Youzcaih gou dai lix. Gou dai le mwngz heuh vunz ram gou bae moek couh ndaej lo.

Ginjsiu yienh ndaej gig damhdingh, naeuz, mwngz couh gaej luenh hemq dem lo, hawj gou vaiq di bang mwngz uet seuqcingh.

Bohminz lij euqvang euqraeh hemq dwk, siengj boek aenndang swhgeij, siengj gyoenh haeuj ndaw mbonq bae, hoeng mbouj miz yungh. Ginjsiu mbouj leix de, coh baihnaj iet song fajfwngz, cuengq daengz gwnz dungx de. De song fwngz hainduj mad bae mad dauq, lumj douqlwg baez nduj benz ok bakgamj, siujsim riri, saeqsim raixcaix. De lumh bae lumh dauq, cij lumh deng aen lwggaet vaq Bohminz. De caeg’angq, gej aen lwggaet haenx, song fwngz youh swnh dwk diuz ga Bohminz gyawj henz mbonq, gig vaiq youh lumh deng din vaq. De faj fwngz ndeu coh aen fuengyiengq doengzbingz senj bae, hix lumh deng lingh diuz dinvaq. De beng song diuz dinvaq, menhmenh coh baihlaj duet bae. Mwh diuzvaq Bohminz deng duet bae liux, haxbaenh ngeu heiq loq mizdi nanznyouq hainduj bienq ndaej haeusaeng、cigciep、hawj vunz dingj mbouj ndaej. Ginjsiu nyaenx mbouj ndaej mbaetheiq hwnjdaeuj. Yienznaeuz hix gaenq baez dem baez bang Daegminz raix nyouh raix haex, hoeng najdoiq gij heiq geizgvaiq gwnz ndang Bohminz sanq ok, de vanzlij mbouj sibgvenq, gig siengj rueg. De gveng geu vaq haenx gvaq mbiengj ndeu, buekmingh nyaenxsouh mbouj hawj swhgeij rueg okdaeuj. De dinghsim roengzdaeuj, song fwngz youh swnh diuz ga Bohminz ciuq roen gaeuq fanj dauq. Fwngz de bungq daengz naengnoh gagoek Bohminz, de roxnyinh daengz fajnaj swhgeij lumj deng coemh ndatfoed nei. Fwngz de doengzseiz hix bungqdeng gij doxgaiq niunwknwk, de rox haenx dwg gijmaz, de ciuqyiengh haenqrengz mbaetheiq, youq ndawsim ngeix haenx couhdwg doenghgij boengzmbaeq, vihneix hawj swhgeij demlai saek di damjliengh caiq genhciz roengzbae. De youh duet roengz vaqndaw Bohminz, ngeu heiq geizgvaiq haenx youh bienq ndaej engqgya haenq, fajnaj swhgeij bienq ndaej engqgya ndatfoed. De rox, miz mbangjdi doxaiq loh youq laj ndit, engqlij luenh guh mbouj geih saek di dwk yawj de.

De cienq ndang bae lumh ra mbaw sujbaq ndaw doengjdae, cix mbouj dwg yunghrengz bae yaenj, couh mbehai coh aenndang Bohminz de gag ngeix ok haenx uet roengzbae. Ginjsiu roxnyinh baenzneix lij mbouj loek, hoeng de mbouj doekdingh, de dwg mbouj dwg uet gij doxgaiq gyuek nem youq laj caekhaex caeuq gagoek Bohminz seuqcingh liux caengz.

(4)

这个问题缠绕她已不止一次两次了。自从卜民瘫痪在床后，她几乎天天被它缠绕着。每次被缠绕上，她都绞尽脑汁为自己求解，却总是无果。现在，她不想被这个问题缠绕了，她决绝地把它抛到了脑后。眼下最要紧的是，她要好好想想，该如何去帮卜民擦洗身子？她不是怕脏怕臭。照顾阿民八年，她已习惯了，甚至可以说得心应手了。她害怕面对的是，卜民裸露的身体。之前，都是两个姐姐帮卜民擦洗身子，她们都走后，她就不得不做了。想到这里，锦绣闭起眼睛，烦躁地用双手胡乱地搓弄着自己的头发。她似乎想借此把一切都摆脱掉。但怎么可能，也就在她再次睁开眼的刹那间，一个想法闪过了她的脑际，让她有了一丝小小的兴奋。兴奋之余，她把眼睛闭上，伸出手去摸灶塘上的锅盖头，准确地摸到了锅盖的把手。她露出了得意的微笑，把眼睛睁开，锅盖和锅头的结合出，沁出了几滴滚烫的水珠，一如她刚才的眼泪。她知道，锅里的水已经足够热了。

锦绣把一桶热水提到卜民的床边，说，爸，热水来了，我帮你擦洗身子。

卜民不领她的情，吼道，我不要你管，走开！任由我死活。我死后你叫人把我抬去埋就好了。

锦绣没理他，回头要挂在墙上的卜民的脸巾和自己的脸巾。

锦绣面对着躺在床上的卜民站好，把卜民的那张脸巾扔进脚边那桶温热的水里，接着用自己的那张脸巾蒙住了自己的双眼，并在后脑勺紧紧地打了一个结。卜民知道锦绣要干什么，就绝望地使劲摇头，不耐烦地嚷嚷道，我不要你管，你走开！任由我死活。我死后你叫人把我抬去埋就好了。

锦绣显得很淡定，说，你就别乱嚷嚷了，让我快点帮你擦干净。

卜民还是执拗地叫嚷着，想扭动自己的身躯，试图往床里头挪去，但徒劳无功。锦绣不理他，往前伸出双手，落在他的肚子上。她的双手开始游移，像一只初次爬出洞口的小兔，显得小心翼翼，谨小慎微。她摸索了一会儿，才摸到卜民裤头的那只纽扣。她窃喜，解开那只纽扣，双手又顺着卜民靠床沿的那条腿往下摸，很快就摸到了裤脚。她的一只手往平行方向移动，也摸到了另一只裤脚。她扯住两条裤腿，慢慢地往下褪去。当卜民的裤子完全被她扯下来后，那股刚才还隐隐约约的异样气味开始变得突兀、直接、令人猝不及防。锦绣不由得蹙紧了鼻翼。虽然也曾一次次地帮阿民端屎端尿，但面对卜民身上散发的异样气味，她还是不习惯，非常想作呕。她把那件裤子丢到一边，强忍着不让自己呕吐出来。她定了定神，双手又顺着卜民的一只腿沿路返回。她的手触碰到了卜民大腿的肌肤，她感觉到自己的脸颊像被烧灼了似的。她的手同时也触碰到了一些黏稠的东西，她知道那是什么。她依旧蹙紧了鼻翼，在心里想象那就是一些烂泥巴，以给自己增添一些坚持下去的勇气。她又褪掉了卜民的短裤，那股异样气味变得更强烈，自己的脸颊变得更灼热。她知道，有某些东西裸露在阳光之下，甚至在肆无忌惮地看着她。

她转过身摸索着去寻找锑桶里的脸巾，并不是很用力拧紧，就摊开来朝着想象中卜民的身体部位抹下去。锦绣觉得这样还不错，可她不能确定，她是否把那些粘在卜民屁股底下乃至大腿根部的排泄物都抹干净了。

(4)