Miz gyoengqvunz dwkbya gwn ndeu, comzyouq Fuzgen、Gvangj- dungh、Gvangjsih ranghdieg henz dah henz haij, haujlai daih daeuj cungj youq ndawhaij、gwnzdah gwn youq; gyoengqde aeu ruz guh ranz, dwkbya gwn. Doengh aenruz gyoengqde youq haenx yiengh lumj aen’gyaeq nei, neix vunzbiengz couh heuh gyoengqde guh“ranzgyaeq”; Cungguek moq laebbaenz le, cungj heuh gyoengqde guh“ranzdan’gyah”. Youq gih raeuz, dingzlai vunz ranzgyaeq comzyouq Bwzhaij.

Bwzhaij gyoengqvunz ranzgyaeq daj bi 1840 gonqlaeng youq rangh- dieg henz Dahcuhgyangh caeuq henz haij Gvangjdungh haenx mboujduenh senj daeuj youq. Gij hengzguh couxbawx haqlwg vunz ranzgyaeq couhdwg cungj yienh’ok daeuz ndeu baijok doenghgij sibgvenq baenz- rangh gvendaengz vunzcoj ranzgyaeq aeu ruz guh ga(giuh) daengj.

Bouxcoz ranzgyaeq couxbawx haqlwg ne, bouxbawxmoq hwnj aen ruz bouxgvanmoq gaxgonq, deng cingj gyoengq beixnuengx meh- mbwk bingzseiz caeuq swhgeij doxndei haenx caeuq gyoengq caencik doengzcaez comz youq ranz swhgeij guh ciengzciengqgo caeuq“hop daiz”daengj, aeu neix daeuj cienz gij cingz gyo’mbaiq bohmeh seng ndang ciengx mingh son roxsoq, cienz gij cingz ndek mbouj ndaej vunzranz. Guh“hop daiz”seizhaenx, bawxmoq caeuq gyoengq nangz gimx、daengj haj boux beixnuengx doengzcaez gyoebbaenz yiengh lumj aenruz ndeu; ndawde boux ndeu cangguh bouxgyaeujruz, boux ndeu cangguh bouxgaemdox, boux ndeu cangguh bouxbanhrug, song boux canghguh bouxcoengh youq gyaeuj- ruz. Boux mehmbwk cangguh boux- gyaeujruz haenx fwngz gaem aen liengj ndaem ndeu, aeu mae nyib bakliengj haeuj, neix dangguh gaiqcauh hung, boux mehmbwk cangguh bouxgaemdox youq riengruz haenx youq giz ceiq laeng, umj fan mbinj ndeu dangguh doxruz, boux- banhranz、bawxmoq caeuq boux- coengh youq cungqgyang, gyoengqde doq heux daizbaed byaij doq ciengq. Gyoengqde miz gonq miz laeng ciengq doenghgij go ndawsim saenq gijmaz、baenzlawz guh dauhleix、aencingz vunzranz beixnuengx daengj, aeu neix daeuj lwnh vunzlai doenghgij simsaenq、lijsiengj caeuq maqmuengh gyoengqde, neix yienh- ok gij hengzguh ndei cojcienz roengzdaeuj haenx lumj aeueiq hawj bouxgeq gyaezmaij ganq ndei lwgnyez、gaenxguh simndei daengj.

Riengz seizdaih bienqvaq, biengzvunz hwngfat, gyoengqvunz ranzgyaeq yied daeuj yied lai senj daeuj gwnz mboek youq lo. Neix doenghgij sibgvenq gyoengqde hix gaijbienq haujlai. Gaxgonq“aeu ruz guh giuz”coux bawx menhmenh bienqbaenz aeu giuh couxbawx. Daengz 20 sigi 90 nienzdaih, gyoengqvunz ranzgyaeq Bwzhaij cungj“aeu ci guh giuh”, mbouj caiq miz vunz “aeu ruz guh giuh” lo.

Bi 2008, vunz ranzgyaeq gij sibgvenq couxbawx haqlwg ginggvaq Gvangjsih Bouxcuengh Swcigih Yinzminz Cwngfuj doengzeiq, ndaej lied haeuj daihngeih buek swcigih gaep feihvuzciz vwnzva yizcanj mingzloeg.