Ndwen 8 ngoenz 30, aen yizsi hai ci (Sanhgyangh Dungcuz Swciyen) siufeiq banggungz Aen Cungjcan Genjcaz Bienfuengz Gyaiq Haeujok Yamwnz youq Sanhgyangh Dungcuz Swciyen banh, aeu gijgwn yenzswnghdai ranzgungzhoj Mbanjdung yinh bae Yamwnz daengj hawsingz henz haij baihdoeng bae. Ciuq cam rox, baez neix yinh doxgaiq gyaqcienz dij 100 fanh maenz. Daj guhhong banggungz doxdaeuj, Guekgya Yizminz Gvanjlijgiz yawj bingh hai yw, doiq Sanhgyangh mbawcaz、youzcaz、maenzdoengzlingz daengj doxgaiq reihnaz, yungh cingj giyez douzcienz、bang gai、baihndaw siugai daengj fuengsik, laeb gij gvanhaeh guh gai onjdingh ciengz- geiz, ciuq aeuyungh roengz dan, dap aen bingzbaiz gai; gaenxmaenx doicaenh youq Ahlijbahbah daengj densangh bingzdaiz caeuq Vowj- maj、Vazyin Vangyah daengj bouqdiemq gai doxgaiq reihnaz, saedyienh “gwnz sienq”“laj sienq” doxdoeng gai, gyangqdaemq cienz- goek, gyagiengz gij naengzlig doxdax doxgaiq reihnaz, hawj caezgya ndaej leih.

(Gunj Yicungh/滚亿忠)